1عَلَ نَشَ عَ مَسٍن يَشُبَ بّ، «كٍلِ، عِ سِفَ بٍتٍلِ. عِ شَ سّرّشّبَدٍ يَءِلَن ﭑ بّ مّننِ، ﭑ نَن ﭑ يّتّ مَسٍن عِ بّ دّننَشّ، عِ نُ عِ فِمَ وَشَتِ نَشّ عِ تَارَ عٍسَيُ مَ.»
2يَشُبَ نَشَ عَ قَلَ عَ شَ دٍنبَيَ بّ عَ نُن عَ قْشِرَبِرّيٍ، «وٌ فبِلٍن كُيٍ قٍ قْشْ رَ، وٌ شَ وٌ يّتّ سّنِيّن، وٌ شَ وٌ شَ سٌسٍيٍ قَن مَسَرَ.
3وٌ وٌ يَءِلَن، وٌن شَ سِفَ بٍتٍلِ. ﭑ شَ سّرّشّبَدٍ يَءِلَن عَلَ بّ، نَشَن عَ يّتّ مَسٍن ﭑ بّ ﭑ نُ نَ كْنتْقِلِ كُي تّمُي نَشّ. عَ نَشَ عَ حّنفِ سَ ﭑ مَ قٍ شْن ﭑ سِفَ دّننَشّ بِرِن.»
4نَ تّمُي عٍ نَشَ عٍ شَ كُيٍ بِرِن سٌ يَشُبَ يِ رَ عَ نُن عٍ شَ تُلِرَ سٌي. يَشُبَ نَشَ عٍ بِرِن بِرِ وُرِ بٍلٍبٍلٍ بُن مَ نَشَن نَ سِكٍمِ سّيتِ مَ.
5يَشُبَ نُن عَ شَ دِيٍ تٌ بَرَ عٍ شَ يٌنكِندٍ بَ، عَلَ نَشَ فَاشُي لُ تَا مِشِ بِرِن بْحّ مَ، مِشِ يٌ مُ سُو سَ بِرَدٍ عٍ قْشْ رَ.
6يَشُبَ نُن عَ قْشِرَبِرّيٍ نَشَ سِفَ لُسِ، بٍتٍلِ نَن نَ كِ، كَنَان بْشِ مَ.
7عَ نَشَ سّرّشّبَدٍ يَءِلَن مّننِ. عَ نَشَ نَ يِرٍ شِلِ قَلَ «بٍتٍلِ مَرِفِ عَلَ،» بَرِ مَ عَلَ عَ يّتّ مَسٍن عَ بّ مّننِ نّ عَ نُ عَ فِقٍ عَ تَارَ مَ تّمُي نَشّ.
8رٍبٍكَ شَ دِ مَسُشُي دٍبٌرَ نَشَ قَشَ. عٍ نَشَ عَ رَفَتَ بٍتٍلِ مَبِرِ وُرِ بٍلٍبٍلٍ نَ دّننَشّ. نَ وُرِ بٍلٍبٍلٍ شِلِ نّ «وَ تِدٍ.»
9عَلَ مَن نَشَ مِنِ يَشُبَ مَ، عَ تٌ فبِلٍن كٍلِقٍ ثَدَن عَرَ مِ. عَ نَشَ بَرَكّ سَ عَ شَ قٍ.
10عَلَ نَشَ عَ قَلَ عَ بّ، «عِ شِلِ قَلَقٍ نّ يَشُبَ، كْنْ عَ مُ قَلَمَ نَ كِ سْنْن. تٌ شَنبِ عِ شِلِ قَ قَلَمَ نّ عِسِرَيِلَ.» عَلَ نَشَ عَ شِلِ سَ عِسِرَيِلَ.
11عَ مَن نَشَ عَ مَسٍن عَ بّ، «ﭑ تَن نَن نَ عَلَ رَ سّنبّ كَنيِ. ﭑ دِ فبٍفبٍ قِمَ نّ عِ مَ، عَلَكٌ عِ شَ قِندِ سِ ندٍ بٍنبَ رَ. عِ مَن قِندِ مَ نّ سِ فبٍفبٍ بٍنبَ رَ. مَنفّيٍ قَمَ نّ مِنِدٍ عِ بْنسْي يَ مَ.
12ﭑ بْشِ نَشَن قِ عِبُرَهِمَ نُن عِسِيَفَ مَ، ﭑ بَرَ عَ قِ عِ قَن مَ، عَ نُن عِ بْنسْي مَ نَشَن قَمَ عِ شَنبِ رَ.»
13نَ نَن لَن، عَلَ نَشَ كٍلِ يِرٍ، عَ وْيّن يَشُبَ بّ دّننَشّ.
14يَشُبَ نَشَ فّمّ تْنشُمَ تِ نَا، عَ نَشَ تُرٍ نُن وّنِ عِقِلِ عَ مَ سّرّشّ رَ، عَلَكٌ عَ شَ قِندِ فّمّ مَفَاشُشِ رَ.
15عَ نَشَ يِ يِرٍ شِلِ قَلَ بٍتٍلِ، عَلَ وْيّن عَ بّ دّننَشّ.
16يَشُبَ نُن عَ شَ دٍنبَيَ تٌ كٍلِ بٍتٍلِ، بٍينُ عٍ شَ مَكْرّ عٍقَرَتَ رَ، رَشٍلٍ نَشَ دِ سْتْ. نَ دِ بَرِقٍ نَشَ قِندِ عَ بّ قٍ شْرْشْي رَ.
17رَشٍلٍ نُ نَ دِ بَرِ مَ تّمُي نَشّ شْنّ كُي، دِ رَ سُشُي نَشَ عَ قَلَ عَ بّ، «هَلِ عِ مُ فَاشُ، يِ بِيَاسِ عِ مَن شّمّ نَن بَرِشِ.»
18رَشٍلٍ نُ بَرَ لُ عَلْ مِشِ قَشَشِ. عَ نُ عَ نِي مَفَفَمَ تّمُي نَشّ، عَ نَشَ عَ شَ دِ شِلِ سَ بٍن عٌنِ، «نِمِسَ دِ.» كْنْ عَ بَبَ تَن نَشَ عَ شِلِ سَ بُنيَمِن، «دِ بَرَكَشِ.»
19رَشٍلٍ تٌ قَشَ، عٍ نَشَ عَ رَفَتَ عٍقَرَتَ كِرَ دّ. نَ يِرٍ شِلِ قَلَمَ نّ يَكْسِ بّتّلّيمُ.
20يَشُبَ نَشَ فّمّ سَ فَبُرِ قَرِ تْنشُمَ رَ، نَ نَ مّننِ هَن تٌ.
21عِسِرَيِلَ نَشَ سِفَ عَ سَ يٌنكِن مِفِدَلِ عٍدٍرِ شَنبِ رَ.
22عِسِرَيِلَ نُ نَ مّننِ تّمُي نَشّ، رُبٍن نَشَ عَ بَبَ شَ فِنّ بِلَ كٌلٌن فِنّ رَ. عِسِرَيِلَ نَشَ كٌلٌن سْتْ نَ مَ. عِسِرَيِلَ دِ شّمّ قُ نُن قِرِن نَن سْتْ.
23لٍيَ نَشَ رُبٍن بَرِ دِ سِنفٍ، نَ شَنبِ رَ سِمٍيْن، لٍوِ، يُدَ، عِسَكَرِ، نُن سَبُلٌن.
24رَشٍلٍ نَشَ يُسُقُ نُن بُنيَمِن بَرِ.
25رَشٍلٍ شَ كٌنيِ بِلَ نَشَ نَقَتَلِ نُن دَنَ بَرِ.
26لٍيَ شَ كٌنيِ سِلِثَ نَشَ فَدِ نُن عَسٍرِ بَرِ. نٍيٍ بِرِن قِندِشِ يَشُبَ شَ دِيٍ نَن نَ، عَ نَشٍيٍ سْتْ ثَدَن عَرَ مِ.
27يَشُبَ نَشَ سِفَ عَ بَبَ عِسِيَفَ شْنيِ مَمِرٍ، كِرِيَتِ عَرَبَ مَبِرِ. مّننِ قَ شِلِ نّ كْرّ هٍبِرٌن. عِبُرَهِمَ نُن عِسِيَفَ سَبَتِ نّ نَا.
28عِسِيَفَ شَ سِمَيَ نُ بَرَ سِفَ حّ كّمّ حّ تٌنفٌ سٌلٌمَسَشَن.
29عَ تٌ فّ سِمَيَ شْنكُيٍ سْتْدٍ، عَ نَشَ قَشَ، عَ عَ بٍنبَيٍ مَسَفَتَ عَلِفِيَمَ. عَ شَ دِ عٍسَيُ نُن يَشُبَ نَشَ عَ رَفَتَ.
