1سَرَيِ مُ نُ دِ يٌ بَرِ عَ شَ مْرِ عِبُرَ مَ بّ. كٌنيِ فِنّ مِسِرَكَ نُ نَ سَرَيِ يِ رَ، نَشَن شِلِ هَفَرَ.
2سَرَيِ نَشَ عَ قَلَ عِبُرَ مَ بّ، «عِ بَرَ عَ تٌ، عَلَتَلَ مُ دِ بَرِ قٍ رَفِرِشِ ﭑ تَن مَ. كْنْ تّمُندٍ ﭑ نْمَ دِ سْتْدٍ ﭑ مَ كٌنيِ فِنّ سَابُي رَ عِ بّ. وٌ شَ لُ يِرٍ كٍرٍن تٌ كْي رَ.» عِبُرَ مَ نَشَ تِن سَرَيِ شَ وْيّنيِ رَ.
3سَرَيِ نَشَ عَ شَ كٌنيِ فِنّ هَفَرَ مِسِرَكَ تٌنفٌ، عَ نَشَ عَ سٌ عَ شَ مْرِ عِبُرَ مَ يِ رَ، عَ شَ قِندِ عَ شَ فِنّ رَ. عِبُرَ مَ نُ بَرَ حّ قُ رَبَ كَنَان بْشِ مَ.
4عِبُرَ مَ نُن هَفَرَ نَشَ شِ يِرٍ كٍرٍن، نَ نَن قِندِ هَفَرَ بّ تّيفّ رَ. هَفَرَ تٌ بَرَ عَ كٌلٌن عَ عَ بَرَ تّيفّ، عَ نَشَ يٌ عَ كَنيِ مَ، عَ نَشَ عَ مَتٌ مَتٌ كِ كٌبِ رَ.
5سَرَيِ نَشَ عَ قَلَ عِبُرَ مَ بّ، «عِ تَن نَن عَ نِيَشِ يِ بْتّ رَبَ شَ عِلَن ﭑ نَ! ﭑ تَن نَن ﭑ مَ كٌنيِ فِنّ قِشِ عِ مَ عَ شَ قِندِ عِ شَ فِنّ رَ. كَبِ عَ نَشَ عَ كٌلٌن عَ قُرُشِ، عَ قَ قٍ كٌبِ نَن تُن عِلَنمَ ﭑ نَ. عَلَتَلَ شَ وٌن تَن قِرِنيِ مَكِيتِ.»
6عِبُرَ مَ نَشَ عَ شَ فِنّ يَابِ، «عِ شَ كٌنيِ فِنّ نَ عَ رَ. عِ وَ مَ قٍ نَشَن بِرِن شْن مَ، عِ شَ نَ رَبَ عَ رَ.» سَرَيِ نَشَ عَ وَشْنقٍ كٌبِ بِرِن نَبَ هَفَرَ رَ، هَن عَ نَشَ عَ فِ.
7عَلَتَلَ شَ مَلٍكّ نَشَ هَفَرَ لِ دُلٌنيِ ندٍ قّ مَ سُرُ كِرَ شْن مَ فبٍنفبٍرٍن يِرٍ.
8مَلٍكّ نَشَ هَفَرَ مَشْرِن، «سَرَيِ شَ كٌنيِ فِنّ هَفَرَ، عِ كٍلِشِ مِندٍن؟ عِ سِفَقٍ مِندٍن؟» هَفَرَ نَشَ مَلٍكّ يَابِ، «ﭑ نَن ﭑ فِشِ ﭑ كَنيِ نَن مَ.»
9عَلَتَلَ شَ مَلٍكّ نَشَ عَ مَسٍن هَفَرَ بّ، «عِ مَن شَ فبِلٍن عِ كٍلِدٍ، عِ سَ عِ مَفٌرٌ عِ كَنيِ بّ.»
10عَلَتَلَ شَ مَلٍكّ نَشَ عَ قَلَ عَ بّ، «ﭑ قَمَ بْنسْي وُيَشِ قِدٍ عِ مَ، عِ مُ نْمَ نَشَن كْنتِ كٌلٌندٍ.»
11عَلَتَلَ شَ مَلٍكّ مَن نَشَ عَ قَلَ عَ بّ، «عِ تّيفّشِ نّ يِ كِ. عِ قَمَ دِ سْتْدٍ. عِ نَ دِ شِلِ سَمَ نّ سُمَيِلَ، بَرِ مَ عَلَتَلَ بَرَ عِ شُي مّ عِ شَ مَرَيَافِ كُي.
12عِ شَ دِ قِندِ مَ فٍرٍ سٌي رَ عَلْ وُلَءِ سٌي عَ رَبَمَ كِ نَشّ. عَ مِشِ بِرِن فٍرٍ مَ نّ، بِرِن عَ تَن قَن فٍرٍ مَ نّ. عَ شُنيَيٍ قَن عَ فٍرٍ مَ نّ.»
13هَفَرَ نَشَ شِلِ سَ عَلَتَلَ شُن، نَشَن وْيّن عَ بّ، «عَلَتَلَ نَشَن ﭑ تٌشِ.» عَ نَشَ عَ قَلَ، «ﭑ بَرَ ﭑ تٌمَ تٌ.»
14نَ نَن عَ تٌشِ عٍ نَ كْلْنيِ شِلِ قَلَمَ، «عَلَ حِحّ نَشَن ﭑ تٌشِ.» نَ كْلْنيِ نَ كَدٍ سِ نُن بٍرٍدَ نَن تَفِ.
15هَفَرَ نَشَ دِ سْتْ عِبُرَ مَ بّ. عِبُرَ مَ نَشَ عَ شِلِ سَ سُمَيِلَ.
16عِبُرَ مَ نُ بَرَ حّ تٌنفٌ سٌلٌمَسَشَن نُن سٍننِ سْتْ سِمَيَ رَ، هَفَرَ قَ نَ دِ سْتْ عَ بّ.
