تَالِيٍ 6:11-25

¹¹سٍتَرٍحَ قَن قَمَ نّ عِ سُشُدٍ تّرّننَ رَ، عَلْ مُحّتِ مِشِ تّرّننَمَ كِ نَشّ. كَامّ عِ سُشُمَ نّ، عَلْ سْورِ مِشِ سُشُمَ كِ نَشّ.

¹²قُيَنتٍ مُ تِنشِن، عَ وُلٍ رَحّرّ مَ عَ دّ عِ نّ.

¹³عَ لُمَ عَ يَ مَفِرَ رَ، عَ نُ مِشِ مَكٍبٍنتِن عَ سَنيِيٍ نُن عَ بّلّشّيٍ رَ وُلٍ تْنشُمَ رَ.

¹⁴قٍ حَاشِ نَ عَ شَشِلِ كُي، عَ فٍرٍ مَسٌمَ تّمُي بِرِن.

¹⁵نَ كُي كَسَرّ قَمَ نّ عَ سُشُدٍ، عَ عَ شُن نَكَنَ كٍرٍنيِ رَ.

¹⁶قٍ سٍننِ نَ عَلَتَلَ نَشٍيٍ شْنشِ، عَ مُ تِنمَ نٍيٍ رَ قٍقٍ مَ؛

¹⁷يّتّ عِفبٌي شَ مِشِ مَتٌ كِ، وُلٍ مِنِمَ دّ نَشَن كُي، بّلّشّ نَشَن نِي بَمَ قُقَقُ رَ،

¹⁸بْحّ نَشَن قٍ تِنشِنتَرٍ مَحْشُنمَ، سَنيِ نَشٍيٍ عٍ فِمَ سِفَقٍ رَ قٍ كٌبِ رَبَدٍ،

¹⁹سٍيدٍ نَشَن وُلٍ قَلَمَ، عَ نُن مِشِ نَشَن نفَشَكٍرٍنمَيٍ تَفِ عِسٌمَ.

²⁰ﭑ مَ دِ، عِ بَبَ شَ سّرِيّ رَفَتَ، عِ نَشَ تٌندِ عِ نفَ شَ مَرَ سِ رَ.

²¹عٍ شَ لُ عِ بْحّ كُي تّمُي بِرِن، عٍ شِرِ عِ كْن مَ.

²²عٍ عِ رَحّرّ مَ نّ عِ شَ دُنِحّءِفِرِ كُي، عٍ عِ مَكَنتَ عِ شَ سَدٍ مَ، عٍ عِ رَ سِ عِ كٍلِ تّمُي.

²³نَ سّرِيّ قِندِشِ لَنثُي نَن نَ، نَ شَرَنيِ كِرَ مَسٍنمَ نّ عِ بّ، نَ مَرَ سِ عِ شُن تِمَ سِمَيَ كِرَ نَن شْن مَ.

²⁴عٍ عِ رَتَنفَمَ فِنّ كٌبِ مَ، نُن شْحّ فِنّ دّ عِحْشُنشِ مَ.

²⁵عِ نَشَ وَ نَ فِنّ شْن مَ عَ شَ تٌقَنيِ مَ، عِ نَشَ تِن عَ شَ نْ عِ رَ عَ يَيٍ رَ.