تَالِيٍ 29:9-16

⁹شَ كِيتِ لُ شَشِلِمَ نُن شَشِلِتَرٍ تَفِ، نَ شَشِلِتَرٍ سْنشْي رَتٍمَ نّ تُن، بْحّسَ شَ كَنَ.

¹⁰قَشّتِيٍ تِنشِنتْي شْنمَ، كْنْ مِشِ تِنشِنشِيٍ عٍ بٌورٍ مَكَنتَمَ نّ.

¹¹شَشِلِتَرٍ بْحّ شَ تٍ مَقُرَ، كْنْ شَشِلِمَ تَن عَ يّتّ سُشُمَ نّ.

¹²مَنفّ نَ بِرَ وُلٍ قْشْ رَ، عَ شَ مِشِ بِرِن قِندِ مَ نّ مِشِ حَاشِيٍ رَ.

¹³قٍ كٍرٍن نَ سٍتَرٍ نُن مِشِ كٌبِ تَفِ؛ عَلَتَلَ نَن عٍ بِرِن دَا.

¹⁴مَنفّ نَشَن سٍتَرٍ مَكِيتِمَ نْندِ رَ، نَ شَ كِبَنيِ مَبَنبَنمَ نّ عَبَدَن.

¹⁵دِ شُرُقٍ لُشُسِنيِ رَ، نَ عَ نِيَمَ نّ عَ شَشِلِ سْتْ، كْنْ دِ لُقٍ عَ يّتّ يِ رَ، نَ قِندِ مَ يَافِ نَن نَ عَ نفَ بّ.

¹⁶مِشِ حَاشِيٍ نَ سّنبّ سْتْ، يُنُبِيٍ فبٌمَ نّ، كْنْ تِنشِنتْييٍ قَمَ نّ عٍ شُننَفٌرٍ تٌدٍ.