تَالِيٍ 28:21-28

²¹عَ مُ لَن مِشِ شَ مِشِ رَقِسَ عَ بٌورٍ بّ، كْنْ مِشِ ندٍ قٍ حَاشِ رَبَمَ تَامِ شُنتُنيِ شَ قٍ رَ.

²²مِلَنتٍ فبَتَمَ بَننَيَ رَ، كْنْ عَ مُ عَ كٌلٌن عَ تْورّ نَن تُن سْتْمَ.

²³مِشِ نَشَن مَرَ سِ شْرْشْي قِمَ مِشِ ندٍ مَ، نَ هِننّ نَن سْتْمَ دَنفِقٍ مِشِ رَ نَشَن لُمَ وْيّن حْشُنمّ فبَنسَن قَلَ رَ مِشِيٍ بّ.

²⁴مِشِ نَشَن عَ بَبَ نُن عَ نفَ مُحَمَ، عَ قَ عَ قَلَ «عَ مُ حَاشُ،» نَ بَرَ قِندِ كَسَرَتِ رَ.

²⁵مِشِ نَشَن مِلَمَ هَرِفٍ مَ، نَ قِندِ مَ فٍرٍ سٌي نَن نَ، كْنْ نَشَن بَرَ عَ يّتّ تَشُ عَلَتَلَ رَ، نَ حَن بَرَ هّيرِ فبٍفبٍ سْتْ.

²⁶مِشِ نَشَن لَشِ عَ يّتّ كَن شَشِلِ رَ، نَ بَرَ قِندِ شَشِلِتَرٍ رَ، كْنْ مِشِ نَشَن حّرّ مَ شَشِلِ قَنيِ رَ، نَ كَنيِ كِسِمَ نّ.

²⁷مِشِ نَشَن سٍتَرٍ كِمَ، نَ مُ تْورْ مَ، كْنْ نَشَن سٍتَرٍ كُمَمَ، نَ دَنكّ نَن سْتْمَ.

²⁸مِشِ حَاشِيٍ شُن نَ رَكٍلِ، حَمَ عَ نْشُنمَ نّ، كْنْ مِشِ حَاشِيٍ نَ هَلَكِ، تِنشِنتْييٍ تَن شُن نَكٍلِمَ نّ.