تَالِيٍ 24:1-34

¹عِ نَشَ مِلَ مِشِ حَاشِيٍ مَ، عِ نَشَ تِن لُقٍ عٍ يَ مَ.

²عٍ بْحّ كٌبِ، عٍ شَ وْيّنيِ شْرْشْ.

³لْننِ بَنشِ تِمَ نّ، شَشِلِ قَنيِ دٍنبَيَ رَ سَبَتِ عَ كُي.

⁴قٍ كٌلٌنيِ عَ نِيَمَ نّ عٍ شَ هَرِفٍ سْتْ، هَرِفٍ هَفِفّ نَشَن مَنِيّ مُ نَ.

⁵لْننِلَ سّنبّ فبٌ، شَشِلِمَ سّنبّ شُن مَسَمَ نّ.

⁶عِ هَيِ نَ مَرَ سِمَ عَلَكٌ قٍ شَ سْونّيَ، شُننَكٍلِ سْتْمَ مَرَ سِمَيٍ نَن سَابُي رَ.

⁷لْننِ شْرْشْ شَشِلِتَرٍ بّ، وْيّنيِ يٌ مُ نَ عَ نَشَن قَلَمَ مَلَنيِ كُي.

⁸مِشِ نَشَن قٍ حَاشِ شَبُمَ، عَ شِلِ نّ كْوتَ حَاشِ شَبُي.

⁹شَشِلِتَرٍحَ قِندِشِ يُنُبِ نَن نَ. عَدَ مَدِيٍ مِشِ مَيٍلٍ شْنمَ.

¹⁰شَ لِمَنِيَ بَمَ عِ يِ رَ تْورّ كُي، عِ سّنبّ مُ فبٌ.

¹¹مِشِيٍ رَتَنفَ نَشٍيٍ نَ سَيَ كِرَ شْن مَ، عٍ بَ مِشِيٍ يِ رَ نَشٍيٍ وَ مَ عٍ قَشَقٍ.

¹²شَ عِ عَ قَلَمَ، «مُشُ مُ نُ عَ كٌلٌن،» نَشَن بْحّيٍ مَ قٍ كٌلٌن، عَ مُ نَ تٌمَ؟ نَشَن حّنفِ سَشِ عِ شَ سِمَيَ شْن مَ، نَ مُ عِ قُرِ عِقٍ كٌلٌن؟ عَ مُ كَنكَن سَرٍ رَفبِلٍنمَ عَ مَ شّ؟

¹³ﭑ مَ دِ، كُمِ ندٍ دٌن، بَرِ مَ سٍ حْشُنمّ نَن عَ رَ، عَ قَن عِ قَتٍ بّ.

¹⁴كْنْ عِ شَ عَ كٌلٌن شَشِلِ لُمَ نّ عَلْ كُمِ. شَ عِ عَ سْتْ، عِ شُننَكٍلِ لِمَ نّ يَرٍ، عِ شَشِلِ تِمَ نَشَن نَ، نَ مُ كَنَمَ.

¹⁵عِ نَشَ فَنتَنيِ عِتَلَ تِنشِنتْي بّ، عِ نَشَ عَ شْنيِ كَنَ.

¹⁶تِنشِنتْي نْمَ بِرَدٍ سَنمَيَ سٌلٌقٍرٍ، عَ مَن كٍلِ. كْنْ مِشِ حَاشِ بِرَ مَ نّ تْورّ كُي كٍرٍنيِ رَ.

¹⁷عِ نَشَ حّلّشِن عِ يَشُي شَ بِرّ رَ، عِ بْحّ نَشَ رَقَن عِ مَ عِ نَ عَ تٌ تْورْ رَ،

¹⁸شَ نَ مُ عَ رَ عَلَتَلَ عِ شَ مَحْشُنيِ كٌبِ تٌمَ نّ، عَ قَ عَ شَ شْنّ رَفبِلٍن عِ يَشُي قْشْ رَ.

¹⁹عِ نَشَ شْنْ قٍ حَاشِ رَبَيٍ مَ، عِ نَشَ عٍ تْونّ.

²⁰مِشِ حَاشِ مُ قٍ قَنيِ لِمَ يَرٍ، عٍ شَ لَنثُي قَمَ نّ شُبٍندٍ.

²¹ﭑ مَ دِ، عِ شَ فَاشُ عَلَتَلَ يَ رَ، عِ شَ مَنفّيٍ بِنيَ، عِ نَشَ لُ مَتَندِلَيٍ يَ مَ،

²²بَرِ مَ هَلَكِ نَن قَمَ عٍ رَتّرّننَدٍ. ندٍ عَ كٌلٌن عَلَ هَلَكِ نَشَن دُ سُمَ عٍ شُن نَ؟

²³لْننِلَ فبّتّيٍ شَ تَالِيٍ نَن يَ؛ وٌ نَشَ مِشِ رَقِسَ عَ بٌورٍ بّ كِيتِ كُي.

²⁴مِشِ نَشَن عَ قَلَمَ مِشِ حَاشِ بّ، «عِ تِنشِن،» حَمَ بِرِن قَمَ نّ نَ كَنيِ دَنكَدٍ، سِ بِرِن شْنْمَ نّ عَ مَ.

²⁵كْنْ مِشِ نَشَن مِشِ حَاشِ كَلَمُمَ نْندِ كُي، نَ كَنيِ بَرَ قٍ قَنيِ رَبَ، عَ قَمَ نّ بَرَكّ سْتْدٍ.

²⁶يَابِ تِنشِنشِ حْشُن نّ عَلْ شَنُنتٍنيِ شَ شّيبُي.

²⁷قّنتّن عِ شَ وَلِ مَ، عِ قٍ رَبَ بَلٌي سْتْقٍ رَ، نَ تّمُي عِ قَ دٍنبَيَ رَ سَبَتِ.

²⁸عِ نَشَ عِ دْشْبٌورٍ تْوحّفّ. وُلٍ نَشَ مِنِ عِ دّ كُي.

²⁹عِ نَشَ عَ قَلَ، «عَ نَشَن نَبَشِ ﭑ نَ، قٌ ﭑ قَن نَ رَبَ عَ رَ، ﭑ عَ شَ وَلِ كٌبِ سَرٍ رَفبِلٍنمَ نّ عَ مَ.»

³⁰ﭑ بَرَ دَنفِ تُننَشْنّ ندٍ شَ شّ رَ، عَ نُن شَشِلِتَرٍ ندٍ شَ سَنسِ يِرٍ رَ.

³¹ﭑ تُنبٍيٍ نُن حٌوفٍ حَاشِيٍ نَن تُن تٌ نَا. تّتّ قَن نُ بِرَشِ.

³²ﭑ نَشَ نَ قٍ مَحْشُن هَن عَ نَشَ قِندِ شَشِلِ رَ ﭑ بّ؛

³³شِشْلِ نَ عِ سُشُ، عِ كِنسْن قْلْ، عِ عِ بّلّشّيٍ قِندِفِلِن عِ مَ،

³⁴سٍتَرٍحَ قَ دُتُن عِ مَ عَلْ مُحّتِ حَاشِ.