تَالِيٍ 1:9-19

⁹بَرِ مَ شُنمَسٍ تٌقَنيِ نَن قِندِ مَ عَ رَ عِ شُنيِ مَ، كْن مَفٌرٍ نَن عَ رَ عِ كْنيِ مَ.

¹⁰ﭑ مَ دِ، عِ نَشَ تِن يُنُبِتْييٍ شَ عِ رَتَنتَن.

¹¹شَ عٍ عَ قَلَ، «بِرَ مُشُ قْشْ رَ، وٌن شَ سَ كِرَ مَدْشْ مِشِيٍ بّ، وٌن شَ عٍ قَشَ، وٌن شَ فَنتَنيِ تٍ مِشِيٍ بّ نَشٍيٍ مُ قٍقٍ رَبَشِ وٌن نَ،

¹²وٌن شَ عٍ شُن نَكَنَ، عَلْ فَبُرِ عَ رَبَمَ كِ نَشّ مِشِيٍ رَ نَشٍيٍ سِفَمَ عَلِفِيَمَ.

¹³وٌن قَمَ نَاقُلِ سْتْدٍ نَ كُي، وٌن مَ بَنشِيٍ رَقٍمَ نّ سٍ قَنيِيٍ رَ.

¹⁴لُ مُشُ يَ مَ عَلَكٌ عِ شَ ندٍ سْتْ، وٌن مَ كْبِرِ مَلَندٍ شَ قِندِ كٍرٍن نَ.»

¹⁵ﭑ مَ دِ، عِ نَشَ بِرَ نَ مِشِ مْولِ قْشْ رَ، عِ نَشَ لُ نَ كِرَ شْن مَ،

¹⁶بَرِ مَ عٍ قٍ حَاشِ نَن تُن نَبَمَ، عٍ فبَتَشِ مِشِ نِي بَدٍ.

¹⁷فَنتَنيِ مُ تٍمَ شْنِ يَ شْرِ،

¹⁸كْنْ عٍ تَن فَنتَنيِ تٍمَ عٍ يّتّ كَن سُشُسٍ نَن نَ. عٍ عٍ يّتّ نَن نِي بَقٍ عٍ يّتّ رَ.

¹⁹بِرَقٍ فٍينِ تِنشِنتَرٍ قْشْ رَ، نُن مِشِ نِي بَقٍ، نَ كِرَ مْولِ قِندِ مَ فَنتَنيِ نَن نَ.