تَالِيٍ 1:13-23

¹³وٌن قَمَ نَاقُلِ سْتْدٍ نَ كُي، وٌن مَ بَنشِيٍ رَقٍمَ نّ سٍ قَنيِيٍ رَ.

¹⁴لُ مُشُ يَ مَ عَلَكٌ عِ شَ ندٍ سْتْ، وٌن مَ كْبِرِ مَلَندٍ شَ قِندِ كٍرٍن نَ.»

¹⁵ﭑ مَ دِ، عِ نَشَ بِرَ نَ مِشِ مْولِ قْشْ رَ، عِ نَشَ لُ نَ كِرَ شْن مَ،

¹⁶بَرِ مَ عٍ قٍ حَاشِ نَن تُن نَبَمَ، عٍ فبَتَشِ مِشِ نِي بَدٍ.

¹⁷فَنتَنيِ مُ تٍمَ شْنِ يَ شْرِ،

¹⁸كْنْ عٍ تَن فَنتَنيِ تٍمَ عٍ يّتّ كَن سُشُسٍ نَن نَ. عٍ عٍ يّتّ نَن نِي بَقٍ عٍ يّتّ رَ.

¹⁹بِرَقٍ فٍينِ تِنشِنتَرٍ قْشْ رَ، نُن مِشِ نِي بَقٍ، نَ كِرَ مْولِ قِندِ مَ فَنتَنيِ نَن نَ.

²⁰شَشِلِمَيَ شِلِ تِمَ كِرَ شُنيِيٍ رَ، عَ عَ شُي رَ مِنِمَ تَا مَلَندٍيٍ.

²¹عَ شِلِ تِمَ حَمَ تَفِ، عَ وْيّنمَ تَا سٌدٍ دّيٍ رَ.

²²عَ نَشّ، «عِ تَن شَشِلِتَرٍ، عِ بِرَ مَ شَشِلِتَرٍحَ قْشْ رَ هَن مُن تّمُي؟ مِشِ مَيٍلٍيٍ يٌمَ مِشِ مَ هَن مُن تّمُي؟ شَشِلِتَرٍيٍ قٍ كٌلٌنيِ شْنمَ هَن مُن تّمُي؟

²³وٌ فبِلٍن قَ رَ ﭑ مَ مَرَ سِيٍ مَ. ﭑ نَ ﭑ شَشِلِ لُمَ نّ وٌ مَ، ﭑ قَهَامُي قِمَ نّ وٌ مَ ﭑ مَ مَسٍنيِ شَ قٍ رَ.