تَالِيٍ 18:12-22

¹²فبَلٌي نَ يّتّ عِفبٌحَ شَنبِ رَ، كْنْ نْرّ نَ يّتّ مَفٌرٍ قْشْ رَ.

¹³مِشِ نَشَن يَابِ قِمَ بٍينُ عَ شَ مِشِ شُي رَ مّ، عَ دَشُحَ مَسٍنمَ نّ، عَ عَ يّتّ رَيَافِ.

¹⁴شَشِلِ لِمَنِيَشِ مِشِ مَلِمَ نّ عَ شَ قُرٍ كُي، كْنْ لِمَنِيَ بَشِ نَشَن يِ، نَ مُ كٍلِمَ سْنْن.

¹⁵لْننِلَ كَتَمَ سٍ كٌلٌندٍ، عَ عَ تُلِ مَتِمَ مَسٍنيِ قَنيِ رَ.

¹⁶كِرَ رَبِشِ مِشِ بّ نَشَن كِ تِمَ، مَنفّيٍ يَتِ تٌقٍ سْونّيَمَ نّ نَ كَنيِ بّ.

¹⁷مِشِ نَشَن سِنفٍ عَ يّتّ شُن مَقَلَمَ قٍ كُي، عَ لُمَ نّ عَلْ نْندِ نَ عَ تَن نَن بّ، كْنْ عَ كَلَمُتِ مَشْرِنيِ شْرْشْي تِمَ نّ عَ مَ.

¹⁸قٍ لُقٍ عَلَ مَ عَ سْنشْي حْنمَ نّ، عَ فٍرٍ حْن سّنبّمَيٍ تَفِ.

¹⁹مِشِ كٌنبِشِ شَ بْحّ شْرْشْي لُمَ نّ عَلْ تَا مَكَنتَشِ. نَ سْنشْي مْولِ شْرْشْ دَنفِقٍ فٍيلِ كٌندٌنيِ رَ.

²⁰عَدَ مَ شَ مَسٍنيِ نْمَ عَ بَلٌي قِدٍ عَ مَ، عَ هَيِ قَنمَ نّ عَ شَ وْيّنيِ سَابُي رَ.

²¹قَشّ نُن سِمَيَ قَتَنمَ مِشِ شَ وْيّنيِ نَن نَ. وْيّنلَ عَ سَرٍ سْتْمَ نّ.

²²فِنّ سْتْقٍ قِندِشِ هّيرِ نَن نَ، نَشَن قَتَنشِ عَلَتَلَ رَ.