تَالِيٍ 17:7-16

⁷مَنفّ شَ وْيّنيِ مُ لَن شَشِلِتَرٍ دّ عِ، وُلٍ مُ لَن مَنفّ دّ عِ.

⁸كِ تِقٍ نَادّيٍ رَبِمَ نّ، عَ قٍ بِرِن سْونّيَمَ نّ.

⁹دِحّقٍ كٌنبِ مَ عَ مَرَقَنيِ نَن نَ فبٌمَ، كْنْ نَ عِقَلَقٍ عَ شَنُنتٍنمَيٍ تَفِ عِسٌمَ.

¹⁰تَنتَنيِ مَسٍنقٍ لْننِلَ بّ عَ قَهَامُي قِمَ نّ عَ مَ، دَنفِقٍ لْننِتَرٍ بْنبْقٍ لُشُسِنيِ يَ كّمّ رَ.

¹¹مِشِ حَاشِ نَشَن مَنفّ مَتَندِ مَ تُن، سْورِ كِنِكِنِتَرٍ نَن شّيمَ عَ شِلِ مَ.

¹²نَرَلَنقٍ سُبٍ شَاحّ رَ، نَشَن شَ دِيٍ بَشِ عَ يِ، نَ قِسَ نَرَلَنقٍ شَشِلِتَرٍ رَ، نَشَن حّرّ مَ عَ شَ شَشِلِتَرٍحَ كُي.

¹³مِشِ نَشَن قٍ قَنيِ حْشْمَ قٍ حَاشِ رَ، قٍ حَاشِ مُ مَكُيَمَ نَ شَ بَنشِ رَ.

¹⁴فٍرٍ قْلْقٍ لُشِ نّ عَلْ بٌفٌنِ عِبْوقٍ. نَ كُي بٍينُن سْنشْي شَ مِنِ، كٍلِ نَا.

¹⁵مِشِ نَشَن نْندِ قِمَ قٍ كٌبِ رَبَمَ، نُن مِشِ نَشَن تِنشِنتْي تْوحّفّمَ، عٍ مُ رَقَن عَلَتَلَ مَ.

¹⁶هَلِ كْبِرِ لُ لْننِتَرٍ يِ رَ، عَ مُ نَ رَوَلِمَ لْننِ سْتْقٍ رَ.