6هَرِفٍ قَنيِ نَ تِنشِنتْي شْنيِ، كْنْ تْورّ فبَنسَن نَن قِندِ مَ تِنشِنتَرٍ سَرٍ رَ.
7لْننِلَيٍ شَ وْيّنيِيٍ شَشِلِ قِمَ نّ مِشِ مَ، كْنْ قٍ قَنيِ يٌ مُ نَ لْننِتَرٍيٍ بْحّ كُي.
8عَلَتَلَ مِشِ حَاشِ شَ سّرّشّ شْنمَ، كْنْ عَ تِنشِنتْي شَ دُبَ سُشُمَ نّ.
9عَلَتَلَ مِشِ حَاشِ شَ كِرَ شْنمَ، كْنْ مِشِ نَشَن بِرَ مَ تِنشِنيِ قْشْ رَ عَ رَقَن عَ مَ.
10كِرَ قَنيِ بّحِنقٍ قِندِ مَ حَشَنكَتّ نَن نَ. شُرُتَرٍحَ مِشِ شُن تِمَ قَشّ كِرَ نَن مَ.
11عَلَتَلَ تٌ قٍ بِرِن كٌلٌن، هَلِ نَشَن نَبَمَ عَلِفِيَمَ نُن يَهَننَمَ، عَ عِبُنَدَ مَ بْحّ قَن كٌلٌن.
12يّتّ عِفبٌي مُ وَ مَ مَرَ سِ شْن مَ، عَ مُ سِفَمَ لْننِلَ يِرٍ.
13بْحّ سّيوَشِ مِشِ لَهَلّ قَنمَ، كْنْ بْحّ تْورْشِ مِشِ لَهَلّ كَنَمَ نّ.
14شَشِلِمَ لْننِ نَن قٍنمَ، كْنْ شَشِلِتَرٍ دَشُ وْيّنيِ نَن تُن قَلَمَ.
15هَلِ مِسِكِينّ تْورْ عَ شَ سِمَيَ كُي، شَ عَ بْحّ سّيوَشِ، نَ قِندِ مَ نّ بَلٌي رَ عَ بّ.
16سٍتَرٍ عَلَ يَرَفَاشُي، قَن بَننَ شَشِلِ عِقُشِ بّ.