تَالِيٍ 11:3-27

³تِنشِنيِ تِنشِنتْي رَحّرّ مَ نّ، كْنْ تِنشِنتَرٍيَ يَنقَنتٍ هَلَكِمَ نّ.

⁴نَاقُلِ مُ مِشِ مَلِمَ عَلَ شَ كِيتِ لْشْي، تِنشِنيِ فبَنسَن نَن مِشِ رَتَنفَمَ نَ قَشّ مَ.

⁵تِنشِنيِ تِنشِنتْي رَحّرّ مَ نّ كِرَ قَنيِ شْن، كْنْ حَاشُحَ مِشِ حَاشِ هَلَكِمَ نّ.

⁶تِنشِنيِ تِنشِنتْي رَكِسِمَ نّ، يَنقَنتٍ تَن لُمَ مِلّ فَنتَنيِ نَن كُي.

⁷مِشِ حَاشِ نَ قَشَ، سٍسٍ مُ سْونّيَمَ عَ بّ سْنْن. عَ شَ نَاقُلِ مُ سّنبّ يٌ قِمَ عَ مَ نَ تّمُي.

⁸تِنشِنتْي رَتَنفَمَ نّ حَشَنكَتّ مَ، مِشِ حَاشِ تَن لُمَ نَ حَشَنكَتّ نَن كُي.

⁹مِشِ كٌبِ عَ بٌورٍ شُن نَكَنَمَ عَ شَ وْيّنيِيٍ نَن نَ، كْنْ تِنشِنتْي رَتَنفَمَ نّ عَ شَ لْننِ سَابُي رَ.

¹⁰تِنشِنتْييٍ نَ هّيرِ سْتْ، تَا حّلّشِنمَ نّ. مِشِ حَاشِ نَ قَشَ، بِرِن بَرَ فٍينِ.

¹¹تِنشِنتْييٍ مُنَقَنيِ رَقَمَ نّ عَ شَ تَا مَ، مِشِ حَاشِيٍ تَن تَا شُن نَكَنَمَ عٍ شَ وْيّنيِيٍ نَن نَ.

¹²لْننِتَرٍ يٌمَ نّ عَ بٌورٍ مَ، لْننِلَ تَن لُمَ سَبَرِ نَن كُي.

¹³نَاقِشِ فُندٌ مَكّنّنمَ نّ، دُفُتّفّ تَن عَ سُتُرَ مَ نّ.

¹⁴مَرَ سِتَرٍحَ حَمَ رَبِرَ مَ نّ، كْنْ مَرَ سِمَ وُيَشِ تَن قِندِ مَ كِسِ نَن نَ عٍ بّ.

¹⁵مِشِ يٌ تَانِ مِشِ بّ قٍ ندٍ مَ، عَ قَمَ نّ نِمِسَدٍ. تٌندِقٍ نَ رَبَدٍ، نَ نَن قِسَ.

¹⁶فِنّ قَنيِيٍ بِنيّ سْتْمَ نّ، كْنْ شّمّ حَاشِ نَاقُلِ نَن تُن سْتْمَ.

¹⁷شّمّ قَنيِ حّرّ كِ عَ مَلِمَ نّ، كْنْ شّمّ حَاشِ تْورّ نَن بّندُنمَ عَ يّتّ مَ.

¹⁸مِشِ حَاشِ شَ فٍينِ قَمَ نّ عَ مَدَشُدٍ. تِنشِنتْي تَن شَ فٍينِ قِندِ مَ سَرٍ قَنيِ نَن نَ عَ بّ.

¹⁹تِنشِنتْي كِسِمَ نّ، كْنْ تِنشِنتَرٍ قَشّ نَن سْتْمَ.

²⁰بْحّ حَاشِ مُ رَقَن عَلَتَلَ مَ، عَ وَ مَ تِنشِنيِ نَن شْن.

²¹مِشِ حَاشِ قَمَ نّ قٍ حَاشِ سْتْدٍ، كْنْ تِنشِنتْي تَن كِسِمَ نّ.

²²فِنّ تٌقَنيِ شَشِلِتَرٍ لُمَ نّ عَلْ شُرُندّ شّيمَ دَاشِ شْسّ حْي رَ.

²³تِنشِنتْي قَمَ نّ قٍ قَنيِ سْتْدٍ، كْنْ شْنّ نَن لُمَ مِشِ حَاشِ تَن بّ.

²⁴مِشِ نَشَن بّلّشّ يٍلٍقُ كِ تِدٍ، عَ بَننَيَ سْتْمَ نّ، كْنْ مِشِ كُمَشِ تَن قِندِ مَ سٍتَرٍ نَن نَ.

²⁵مِشِ نَشَن عَ هَرِفٍ عِتَشُنمَ، عَ قَمَ نّ هَرِفٍ سْتْدٍ. يٍ شْلِ مُ لُمَ مِشِ مَ نَشَن عَ بٌورٍ كِمَ يٍ رَ.

²⁶حَمَ مِشِ دَنكَمَ نّ نَشَن تٌندِ مَ بَلٌي مَتِدٍ، عٍ دُبَمَ نّ مِشِ بّ نَشَن تِنمَ حَمَ شَ ندٍ سْتْ.

²⁷قٍ قَنيِ رَبَيٍ، قٍ قَنيِ سْتْمَ نّ، كْنْ قٍ حَاشِ رَبَيٍ، قٍ حَاشِ نَن سْتْمَ.