تَالِيٍ 11:15-31

¹⁵مِشِ يٌ تَانِ مِشِ بّ قٍ ندٍ مَ، عَ قَمَ نّ نِمِسَدٍ. تٌندِقٍ نَ رَبَدٍ، نَ نَن قِسَ.

¹⁶فِنّ قَنيِيٍ بِنيّ سْتْمَ نّ، كْنْ شّمّ حَاشِ نَاقُلِ نَن تُن سْتْمَ.

¹⁷شّمّ قَنيِ حّرّ كِ عَ مَلِمَ نّ، كْنْ شّمّ حَاشِ تْورّ نَن بّندُنمَ عَ يّتّ مَ.

¹⁸مِشِ حَاشِ شَ فٍينِ قَمَ نّ عَ مَدَشُدٍ. تِنشِنتْي تَن شَ فٍينِ قِندِ مَ سَرٍ قَنيِ نَن نَ عَ بّ.

¹⁹تِنشِنتْي كِسِمَ نّ، كْنْ تِنشِنتَرٍ قَشّ نَن سْتْمَ.

²⁰بْحّ حَاشِ مُ رَقَن عَلَتَلَ مَ، عَ وَ مَ تِنشِنيِ نَن شْن.

²¹مِشِ حَاشِ قَمَ نّ قٍ حَاشِ سْتْدٍ، كْنْ تِنشِنتْي تَن كِسِمَ نّ.

²²فِنّ تٌقَنيِ شَشِلِتَرٍ لُمَ نّ عَلْ شُرُندّ شّيمَ دَاشِ شْسّ حْي رَ.

²³تِنشِنتْي قَمَ نّ قٍ قَنيِ سْتْدٍ، كْنْ شْنّ نَن لُمَ مِشِ حَاشِ تَن بّ.

²⁴مِشِ نَشَن بّلّشّ يٍلٍقُ كِ تِدٍ، عَ بَننَيَ سْتْمَ نّ، كْنْ مِشِ كُمَشِ تَن قِندِ مَ سٍتَرٍ نَن نَ.

²⁵مِشِ نَشَن عَ هَرِفٍ عِتَشُنمَ، عَ قَمَ نّ هَرِفٍ سْتْدٍ. يٍ شْلِ مُ لُمَ مِشِ مَ نَشَن عَ بٌورٍ كِمَ يٍ رَ.

²⁶حَمَ مِشِ دَنكَمَ نّ نَشَن تٌندِ مَ بَلٌي مَتِدٍ، عٍ دُبَمَ نّ مِشِ بّ نَشَن تِنمَ حَمَ شَ ندٍ سْتْ.

²⁷قٍ قَنيِ رَبَيٍ، قٍ قَنيِ سْتْمَ نّ، كْنْ قٍ حَاشِ رَبَيٍ، قٍ حَاشِ نَن سْتْمَ.

²⁸مِشِ نَشَن عَ شَشِلِ تِمَ عَ شَ نَاقُلِ رَ، عَ قَمَ نّ بِرَدٍ، تِنشِنتْي تَن لُمَ نّ عَلْ بُرّشّ نَشَن مُ لِسِمَ.

²⁹مِشِ نَشَن تْورّ بّندُنمَ عَ شَ دٍنبَيَ مَ، قٍ قُقَقُ نَن قَمَ قِندِدٍ عَ كّ رَ. لْننِتَرٍ قَمَ لُدٍ نّ لْننِلَ شَ يَامَرِ بُن مَ.

³⁰تِنشِنتْييٍ كِسِمَ نّ، لْننِلَيٍ مِشِيٍ مَسْتْمَ نّ.

³¹شَ تِنشِنتْي عَ سَرٍ سْتْ دُنِحَ مَ، مِشِ حَاشِ نُن يُنُبِتْي قَن عَ سْتْمَ نّ.