מִשְׁלֵי 23:24-29

²⁴*גֹּול (גִּ֣יל) *יָגֹול (יָ֭גִיל) אֲבִ֣י צַדִּ֑יק *יֹולֵד (וְיֹולֵ֥ד) חָ֝כָ֗ם *וְיִשְׂמַח־ (יִשְׂמַח)־בֹּֽו׃

²⁵יִֽשְׂמַח־אָבִ֥יךָ וְאִמֶּ֑ךָ וְ֝תָגֵ֗ל יֹֽולַדְתֶּֽךָ׃

²⁶תְּנָֽה־בְנִ֣י לִבְּךָ֣ לִ֑י וְ֝עֵינֶ֗יךָ דְּרָכַ֥י *תִּרְצֶנָה (תִּצֹּֽרְנָה)׃

²⁷כִּֽי־שׁוּחָ֣ה עֲמֻקָּ֣ה זֹונָ֑ה וּבְאֵ֥ר צָ֝רָ֗ה נָכְרִיָּֽה׃

²⁸אַף־הִ֭יא כְּחֶ֣תֶף תֶּֽאֱרֹ֑ב וּ֝בֹוגְדִ֗ים בְּאָדָ֥ם תֹּוסִֽף׃

²⁹לְמִ֨י אֹ֥וי לְמִ֪י אֲבֹ֡וי לְמִ֤י *מִדֹונִים (מִדְיָנִ֨ים) ׀ לְמִ֥י שִׂ֗יחַ לְ֭מִי פְּצָעִ֣ים חִנָּ֑ם לְ֝מִ֗י חַכְלִל֥וּת עֵינָֽיִם׃