ЭКЛЕЗІЯСТА 9:13-18

¹³Яшчэ вось якую мудрасьць пад сонцам я ўгледзеў, і яна мне здалася важнаю:

¹⁴горад невялікі, і людзей у ім небагата; падступіўся да яго вялікі цар, і атачыў яго шчыльна, і падрыхтаваў супроць яго аблогу;

¹⁵але знайшоўся ў ім мудры бядняк, і ён выратаваў мудрасьцю горад; але ж потым ніхто не згадаў таго бедака.

¹⁶І сказаў я: мудрасьць лепшая за сілу, але мудрасьць бедняка заняхайваецца, і словаў ягоных ня слухаюць.

¹⁷Словы мудрых, спакойныя, выслухоўваюцца лепей, чым крык валадара сярод дурняў.

¹⁸Мудрасьць лепшая за вайсковую зброю; але адзін грэшнік загубіць многа дабра.