ЛІКІ 10:1-6

¹І наказаў Гасподзь Майсею, кажучы:

²зрабі сабе дзьве срэбраныя трубы, каваныя зрабі іх, каб яны служылі табе на скліканьне супольства і каб здымаць табары;

³калі затрубяць у іх, зьбярэцца да цябе ўсё супольства да ўваходу ў скінію сходу:

⁴калі ў адну трубу затрубяць, зьбяруцца да цябе князі і тысячнікі Ізраільскія;

⁵калі затрубіце трывогу, падымуцца табары, што стаяць з усходу;

⁶калі другі раз затрубіце трывогу, падымуцца табары, што стаяць з поўдня; трывогу няхай трубяць, калі яны выпраўляюцца ў дарогу;