Än Salomon Köl 2:1-7

¹Iwe, ngang epö pön rous seni Saron, pwal epö pön kiopun ekewe lemol.

²Liewe a wor tongan me rei a nom lein ekewe föpwül usun chök epö pön kiop lein iräfölüföl.

³Ätewe mi wor tongan me rei a nom lein ekewe alüal usun chök efoch apel lein wöllap. Üa fokun pwapwa le mot fän nürün, nge uan a arar, lupwen üa ochei.

⁴Iwe, a emwenieila ngeni ewe lenien kametip, a aürätä an filäik woi pwe asisilen an tongeei.

⁵Kopwe aochocha ngeniei uän irän wain mi pwas, pwe üpwe pöchökülsefäl, kopwe pwal apöchöküleitä ren uän apel, pun üa apwangapwang ren ai tongeek.

⁶Pöüimöngün a nom fän mökürei, nge pöüifichin a romiei.

⁷Oupwe pwon ngeniei, ämi föpwülün Jerusalem, oupwe öpölü ekewe chian lemäl, pwe ousap aosukosuka äm tongfengen.