Än Salomon Afalafal 1:3-9

³Met lomoten än eman aramas angang weires won fanüfan?

⁴Eu täppin aramas ra morola, eu täppin ra fisitä, nge fanüfan a chök nonomfochofoch.

⁵Iwe, akkar a tötä, a pwal tuputiu, nge a müttir liwiniti lenian me lom pwe epwe tösefälitä.

⁶Asepwäl a eniti ör, a pwal kul o eniti efeng. Iwe, a pwelifetal o liwiniti lenian me lom.

⁷Chanpupu meinisin ra puputiu leset, nge sät esap urela rer. Iwe, ra liwiniti lenier me lom pwe repwe pupusefälila.

⁸Mettoch meinisin ra chök weires, nge esap wor eman a tongeni awewei. Mas esap menemen ren künaan, nge seling esap ur ren rongorong.

⁹Mine a fen wor me lom, epwe pwal wor me mürin. Nge mine aramas ra fen föri, repwe pwal föri me mürin. Esap fokun wor minefön mettoch won fanüfan.