Zosua 15:11-39

¹¹Beto asa sa voloso si ene la gua koasa toqere pa kali gede koasa vasileana Ekoroni, meke ene la pa Sikeroni, hola nia sa toqere Ba'ala, meke hola la gua pa Zamunia, meke kokoi pa kolo Meditareniani si asa.

¹²Sa kolo Meditareniani sina voloso pa kali lodu rimata. Pa korapadi rina voloso hire si koa sari na tinoni tadi na tatamana tanisa butubutu Ziuda.

¹³Gua sapu ele tozi nia e Zihova koe Zosua, kukuruna hite sa popoa tanisa butubutu Ziuda si ta vala koe Kelebi sa tuna koreo e Zepune. Vagia sa sa vasileana Heboroni, sa vasileana lavata te Aba, tamana e Anaki,

¹⁴Hadu vura taloa ni e Kelebi sari tutina e Anaki koasa vasileana Heboroni, sari butubutu te Sesai, Ahimani, meke Talamai.

¹⁵Taluarae vasina si asa meke la rapati sa sari na tinoni pu koa pa Debiri. Pa totoso asa si ta pozae Kiriati Sepa sa vasileana lavata asa.

¹⁶Zama se Kelebi, “Kaqu vala nia rau sa tuqu vineki se Akasa pude haba ia sa tie bokabokana pa vinaripera pu vagia si pa Kiriati Sepa,” gua.

¹⁷Otinieli sa tuna koreo e Kenazi, sa tasina koreo e Kelebi si vagina sa vasileana lavata, ke vala nia e Kelebi se Akasa sa tuna vineki meke haba ia sa.

¹⁸Koasa rane vinarihaba, si tepa sisigitia e Otinieli se Akasa pude tepa pepeso koasa tamana, meke sipu gore koasa nana doṉ'ki si asa si nanasia e Kelebi sapu na sa si hiva nia sa.

¹⁹Olaṉa si asa, “Hivani rau si kaiqa bukaha kolo tototolo. Sa pepeso sapu ele poni nau goi si koa pa popoa popana pa popoa Neqevi.” Ke poni nia e Kelebi sa pepeso sapu koa ia na bukaka kolo tototolo, keke pa kali sagena meke keke pa kali gorena.

²⁰Hire sari na popoa pu tagoi rina tatamana koasa butubutu Ziuda.

²¹Sari na vasileana sapu koa seu la gua pa popoa Neqevi pa kali la gua pa Edomu si Kabuzili, Edera, Zaqura,

²²Kina, Dimona, Adada,

²³Kedesi, Hazo, Itinana,

²⁴Zipi, Telemi, Bealoti,

²⁵Hazo Hadata, Kerioti, Hezironi, (sapu ta pozae Hazo tugo),

²⁶Amama, Sema, Molada,

²⁷Haza, Qada, Hesimoni, Betipeleti,

²⁸Haza Suala, Biasiba, Biziotia,

²⁹Ba'ala, Limi, Ezemu,

³⁰Eletoladi, Kesili, Homa,

³¹Zikilaqi, Madimana, Sanisana,

³²Lebaoti, Silihimi, Aini, meke Rimoni: sa ninaedi si ka hiokona sia vasileana nomadi, turaṉae la tugo sari na vasivasileana hitekedi pa vari likohaedia.

³³Sari na vasileana lavata koari na hubi toqere pa kali lodu rimata si Esitaolo, Zora, Asana,

³⁴Zanoa, Eqanimi, Tapua, Enami,

³⁵Zamuti, Adulamu, Soko, Azeka,

³⁶Saraimi, Aditaimi, Qedera, meke Qederotaimi: ka manege made vasileana lavata, turaṉae la sari na vasileana hitekedi pu koa pa vari likohaedia.

³⁷Somana la dia tugo si pa Zenani, Hadasa, Miqidalaqadi,

³⁸Dileani, Mizipa, Zokotili,

³⁹Lakisi, Bozikati, Eqiloni,