Zebur 48:1-9

¹Neghmichilerning béshigha tapshurulup oqulsun dep, Korahning oghulliri üchün yézilghan küy: — Ulughdur Perwerdigar, Xudayimizning shehiride, Uning muqeddesliki turghan taghda, U zor medhiyelerge layiqtur!

²Égizlikidin körkem, Zion téghi, Pütkül jahanning xursenlikidur; Shimaliy terepliri güzeldur, Büyük padishahning shehiridur!  

³Xuda qorghanlirida turidu, Bu yerde U égiz panahgah dep tonulidu;

⁴Mana, padishahlar yighildi, Ular sheherni bésip ötüp, jem boldi.

⁵Sheherni körüpla ular alaqzade boldi; Dekke-dükkige chüshüp beder qéchishti.

⁶U yerde ularni titrek basti, Tolghaq yégen ayaldek ular azablandi;

⁷Sen Tarshishtiki kémilerni sherq shamili bilen weyran qiliwetting.

⁸Quliqimiz anglighanni, Samawi qoshunlarning Serdari bolghan Perwerdigarning shehiride, Xudayimizning shehiride, Biz hazir öz közimiz bilen shundaq körduq; Xuda menggüge uni mustehkem qilidu. Sélah.

⁹Biz séning muqeddes ibadetxanang ichide turup, i Xuda, Özgermes muhebbitingni séghinduq.