Zebur 132:7-16

⁷Uning turar jaylirigha bérip kireyli, Uning textiperi aldida sejde qilayli;

⁸Ornungdin turghin, i Perwerdigar, Sen qudritingning ipadisi ehde sanduqung bilen, Öz aramgahinggha kirgin!

⁹Kahinliring heqqaniyliq bilen kiyindürülsun, Mömin bendiliring tentenilik awazni yangratsun!

¹⁰Qulung Dawut üchün, Özüng mesih qilghiningning yüzini yandurmighaysen;

¹¹Perwerdigar Öz heqiqiti bilen Dawutqa shu qesemni qildi, U uningdin héch yanmaydu: — U: — «Öz pushtingdin chiqqan méwidin birsini textingde olturghuzimen;

¹²Perzentliring Méning ehdemni, Hem Men ulargha ögitidighan agah-guwahlirimni tutsa, Ularning perzentliri menggüge textingde olturidu» — dégen.

¹³Chünki Perwerdigar Zionni tallighan; U Öz makani üchün uni xalighan.

¹⁴Mana U: — «Bu menggüge bolidighan aramgahimdur; Mushu yerde turimen; Chünki Men uni xalaymen.

¹⁵Men uning rizqini intayin zor beriketleymen; Uning yoqsullirini nan bilen qandurimen;

¹⁶Uning kahinlirigha nijatliqni kiygüzimen, Uning mömin bendiliri shadliqtin tentenilik awazni yangritidu.