12Ɓe lamndii mo: —Homo woni oo neɗɗo biiɗo ma ɓamtu daɗɗo maa, yaa?
13Kaa cellinaaɗo oo anndaano mo, sabi Iisaa iwii ɗon sabi yimɓe ana keewnoo e oon nokku.
14Caggal ɗum, Iisaa hawriti e makko ley Suudu Dewal Mawndu nduu, wii mo: —Ƴeew, jooni kaa, a sellii, pati luuttu kasen so ko ɓuri ɗum bonde heɓe.
15Gorko oo yehi haalanoyi hooreeɓe Yahuudiyankooɓe ɓee Iisaa woni cellinɗo ɗum oo.
16Nden hooreeɓe Yahuudiyankooɓe puɗɗi torrude Iisaa sabi o waɗii ɗum e ɲalaande fowteteende.
17Iisaa wii ɓe: —Baabiraaɗo am ana golla faa jooni, miin duu, miɗo golla.