Yuhanna 4:33-38

³³Taalibaaɓe ɓee ana lamndondira: —Ɗum nee, won gaddanɗo mo ko ɲaametee naa?

³⁴Iisaa wii ɓe: —Ɲaamdu am yo waɗude sago nelɗo kam oo e timminde golle makko.

³⁵Onon, oɗon mbiya: «Faa hannde lebbi nay so kettal wara.» Kaa miin, miɗo wiya on: tippee gite mon, ƴeewee gese ɗee fuu ɓenndii, ɗe njonii hetteede.

³⁶Kettuɗo heɓan ngeenaari, mooɓtana ɲamri ndii nguurndam nduumiiɗam, yalla aawuɗo e kettuɗo ana ceyodoo.

³⁷Ɗum tabintinta banndol biyoowol: «Gooto ana aawa, goɗɗo ana hetta.»

³⁸Mi nelii on kettoyon nga on tampanaali. Woɓɓe tampi. Onon, on ndaamitike e tampere maɓɓe.