56Tiata atuil in kaa Auk boa-sising ngia, nol niun Auk dalang ngia ka, nuli butu-kil nol Au, nol Auk kon butu-kil nol una.
57Ama in ne sorga ku man nutus Au, Un nuli baktetebes. Nol Auk kon haup in nuil toma ka deng Una. Undeng na le atuil in kaa Auk boa-sising ngia ka, kon haup in nuil toma ka deng Au.
58Hmunan nu mi upu kia-kaon nas kaa ruti manna, man niung deng apan nua. Oen kaa ruti na kon no, mam oen mates. Mo ruti man in niu maa deng sorga hahalas nia ki, kisa. Tiata atuil in kaa ruti nia ki, mam haup in nuil toma ka.”
59Yesus tui dais nias se atuil Yahudi las um in kohe-kanas mes se kota Kapernaum.
Yuhanis 6
Yuhanis 6:56-59