Yowan 8:34-40

³⁴Kë aşë ŧeem baka aji : « Dţupan na manjoonan, ñaaŋ anjaaŋ ado buţaan, pekadu daji dakakana awo nalempar da kabot kajuuknţëna.

³⁵Nalemp aanji wo ţi katoh te mnţo, abuk ka ajaaŋ awo da te mnţo.

³⁶Woli Abuk Naşibaţi abuuranan, nabuur na manjoonan.

³⁷Dme kë nawo biki pntaali pi *Abraham, kë naşë la pfiŋën, ţiki ŋţup ŋi naan ŋaanhil pban du iţëban.

³⁸Dji kaţup uko wi nwinuŋ du Paapa, kë an nakdo uko wi naŧiinknuŋ du aşinan. »

³⁹Kë başë ŧeema aji : « Abraham awooŋ aşinun. » Kë aji na baka : « Woli nawo lah babuk Abraham, nado kado iko yi ajaaŋ ado.

⁴⁰Hënkuŋ kë naşë ŋal pfiŋën nji nwooŋ ñaaŋ ankţupanaŋ manjoonan mi nŧiinknuŋ du Naşibaţi, Abraham aando haŋ.