Yosuwe 19:24-35 in Susu

²⁴ Bɔxi taxun suuli nde naxa findi Aseri bɔnsɔɛ xabilɛe gbe ra Alatala xa maragiri saabui ra.

²⁵ E xa naaninyi na yi taae nan na: Xɛlɛkati, Xali, Beten, Akisafa,

²⁶ Alameleki, Amada, nun Misala. E xa naaninyi sogegorode biri na Karemele geya nun Sixori Libanati xure nan na.

²⁷ E xa naaninyi sogetede biri fɔlɔxi Beti Dagɔn nɛ, Sabulon bɔnsɔɛ na dɛnnaxɛ, nun Yifita Eli gulunba. A siga kɔɔla ma Beti Emeki nun Neyiyeli. A dangi Kabulu ra kɔɔla biri ra.

²⁸ A naxa siga Abadon, Rexobo, Xamɔn, nun Kanna, han Sidɔn taa xungbe.

²⁹ Naaninyi keli Sidɔn, a siga Ramati nun Tire taa makantaxi mabiri. A siga Xosa, a mini Fɔxɛ Ye Baa ma Akisibu bɔxi ma,

³⁰ Uma, Afeki, nun Rexobo taae. E birin lanma taa mɔxɔɲɛn nun firin nan ma, a nun e daaxae.

³¹ Yi taae nun daaxae birin findixi Aseri bɔnsɔɛ xabilɛe kɛ nan na.

³² Bɔxi taxun senni nde naxa findi Nafatali bɔnsɔɛ xabilɛe gbe ra Alatala xa maragiri saabui ra.

³³ Na bɔxi naaninyi naxa fɔlɔ Xelefa taa ma, a siga wuri bili belebele nde ma naxan na Saananimi. A dangi Adami Nekebi nun Yabaneeli ra, a Lakuma li, a siga han Yurudɛn xure dɛ ra.

³⁴ Na naaninyi naxa siga sogegorode biri ra han a Asanoti Taboro li, a sa mini Hulɔku taa ma. A Sabulon bɔnsɔɛ xa bɔxi li yirefanyi ma, a Aseri bɔnsɔɛ xa bɔxi li sogegorode biri ra. A Yurudɛn xure li sogetede biri ra.

³⁵ Taae nan ya tɛtɛ hagigɛe nu soxi naxee ra: Sidima, Sere, Xamata, Rakati, Kinereti,

²⁴ بْشِ تَشُن سُولِ ندٍ نَشَ قِندِ عَسٍرِ بْنسْي شَبِلّيٍ فبٍ رَ عَلَتَلَ شَ مَرَفِرِ سَابُي رَ.

²⁵ عٍ شَ نَانِنيِ نَ يِ تَايٍ نَن نَ؛ شّلّكَتِ، شَلِ، بٍتٍن، عَكِسَقَ،

²⁶ عَلَمٍلٍكِ، عَمَدَ، نُن مِسَلَ. عٍ شَ نَانِنيِ سٌفٍفٌرٌدٍ بِرِ نَ كَرٍ مٍلٍ فٍيَ نُن سِشٌرِ لِبَنَتِ شُرٍ نَن نَ.

²⁷ عٍ شَ نَانِنيِ سٌفٍتٍدٍ بِرِ قْلْشِ بٍتِ دَفْن نّ، سَبُلٌن بْنسْي نَ دّننَشّ، نُن يِقِتَ عٍلِ فُلُنبَ. عَ سِفَ كْولَ مَ بٍتِ عٍمٍكِ نُن نٍيِيٍلِ. عَ دَنفِ كَبُلُ رَ كْولَ بِرِ رَ.

²⁸ عَ نَشَ سِفَ عَبَدٌن، رٍشٌبٌ، شَمْن، نُن كَننَ، هَن سِدْن تَا شُنفبٍ.

²⁹ نَانِنيِ كٍلِ سِدْن، عَ سِفَ رَ مَتِ نُن تِرٍ تَا مَكَنتَشِ مَبِرِ. عَ سِفَ شٌسَ، عَ مِنِ قْشّ يٍ بَا مَ عَكِسِبُ بْشِ مَ،

³⁰ عُمَ، عَقٍكِ، نُن رٍشٌبٌ تَايٍ. عٍ بِرِن لَنمَ تَا مْشْحّن نُن قِرِن نَن مَ، عَ نُن عٍ دَاشَيٍ.

³¹ يِ تَايٍ نُن دَاشَيٍ بِرِن قِندِشِ عَسٍرِ بْنسْي شَبِلّيٍ كّ نَن نَ.

³² بْشِ تَشُن سٍننِ ندٍ نَشَ قِندِ نَقَتَلِ بْنسْي شَبِلّيٍ فبٍ رَ عَلَتَلَ شَ مَرَفِرِ سَابُي رَ.

³³ نَ بْشِ نَانِنيِ نَشَ قْلْ شٍلٍقَ تَا مَ، عَ سِفَ وُرِ بِلِ بٍلٍبٍلٍ ندٍ مَ نَشَن نَ سَانَنِمِ. عَ دَنفِ عَدَ مِ نٍكٍبِ نُن يَبَنٍيلِ رَ، عَ لَكُمَ لِ، عَ سِفَ هَن يُرُدّن شُرٍ دّ رَ.

³⁴ نَ نَانِنيِ نَشَ سِفَ سٌفٍفٌرٌدٍ بِرِ رَ هَن عَ عَسَنٌتِ تَبٌرٌ لِ، عَ سَ مِنِ هُلْكُ تَا مَ. عَ سَبُلٌن بْنسْي شَ بْشِ لِ يِرٍقَنيِ مَ، عَ عَسٍرِ بْنسْي شَ بْشِ لِ سٌفٍفٌرٌدٍ بِرِ رَ. عَ يُرُدّن شُرٍ لِ سٌفٍتٍدٍ بِرِ رَ.

³⁵ تَايٍ نَن يَ تّتّ هَفِفّيٍ نُ سٌشِ نَشٍيٍ رَ؛ سِدِ مَ، سٍرٍ، شَمَتَ، رَكَتِ، كِنٍرٍتِ،