7Tauna i nei tu limoina lawa uyahihi po i ipaliwelena yayata binei, ipa lawa hina nonoli po hina witumagana.
8Ma i baha i pa, ‘Tau ega yayatana ma a nei ipa yayata dumana a limoineya.’
9Ma yayatana tauna yayata dumana uyahinei lawa ataputa hoi hipuli nugonugota i liyayahihi.
10Tauna hipuli i wiwawali po i nei hoi hipuli po i memae ma tu mehipuli ega hita hanapugeya tauna iyai.
11Tauna i nei a lawa uyahihi, ma a lawahi ega hita kaoheya.