Jan 1:7-11

⁷Dis man Jan mi kohn fi tel evribadi bowt da sayhn Lait soh dat dehn kuda mi yehr bowt ahn, ahn bileev eena ahn.

⁸Now, Jan ihself da neva di Lait; hihn mi oanli kohn fi tel peepl di chroot bowt di Lait.

⁹Yu si, di Wan weh da di chroo chroo Lait mi-di kom eena di werl ahn shain pahn evribadi.

¹⁰Di Werd mi-di liv eena di sayhn werl weh hihn mek, ahn di peepl dehn eena di werl neva eevn noa seh dat da di Werd ihself mi-di liv monks dehn.

¹¹Ih kohn tu ih oan konchri, ahn ih oan peepl dehn neva aksep ahn.