Yon 3:6-17

⁶“Gimgeilin inan bikop gimgeilin-wan; tage Kululuwan Yowbad bikop bo kululuwan-wan.

⁷“Awoum bisunasun nanoum agulivan towen, ‘Kadiloka bikopweimiy vayuwein.’

⁸“Yag ampalawen sivinan beitow, butkawan bukuligen, tage nag kukwakin avanuy meinoy neim, o bein avanuy. Ma̱wana tasiyas Yowbad Kululuwan ikopwes.”

⁹Nikodimos ikatimop anilivan, ilana, “Ama̱wan youd tasiyas?”

¹⁰Yeisuw idibek, “Adok min-Yisleil wasigeis, ya̱koum takatimlakein gamags, ya̱koum; tage nag kukwakin youd siyas, ne? Mounid anukweim, aveiyag nakakakin youd siyas kanukweimiy, o yakamiy gog nag kusimounids.

¹²“Peinan ta-kusimounids agulivan, sinapun ven watinow waseg, ta-ma̱wan bakatimlakeimiy sinapun liba̱lab!

¹³“Nag kadilok gamag beimwen bein walba̱lab. Misinak Gimgilitoun yey, bo alisow gunaven liba̱lab, a̱bus am watinow, kadilokeig ba̱yum ban walba̱lab.

¹⁴“Kweiboug wanawoud, Moses itamnow mwatet tanmunum, ma̱wan magin igaw mo bitamnaweigs yey, Gimgilitoun yey, va̱gan kal yak bukusimounid waseg yey mo bukuban mwamovam bises bisigeg.

¹⁶“Singay Yowbad isiwyoubus ven watinow gimgilis. Natun gog anmwa̱net bo itam, bo isek va̱gan bikatinabwes gamag. Kukin kal bisimounid towen waseg nag bigeg, nag; mwamovan son bises bisigeg.

¹⁷“Yowbad ikayeb natun neim ven watinow nag silma̱nin biyateles gamag babaw, nag; nikayeb neim va̱gan kid bikatinabwes gamag.