Yon 10:24-30

²⁴Baing Yudadi digugunia taxiya saing daharua ba, “Bungintabi bagula ulibu gamomamdi dimaxana saing ubalam ba ung gaxarea? Nabu ung Urana Lipuxing Mogunganama, bing ubaxanga rangrang nam.”

²⁵Yesu haxuya nadi ba, “Ngabalang masup, ne ahatum haringin te. Axamang haringindi ngalibudi Tibugu yania dahatanga nang ba nga gaxarea,

²⁶ne ang ba ahatum haringin te, namua na ang sipsibigudi te.

²⁷Sipsibigudi dilungu waxugutuanoa. Ngaxabiadi, saing disu manga.

²⁸Ngasina walinga subingang teguama nadi, saing sanga ba disup te. Lipu tela sanga ba sasaxakidi sangua rimagua te.

²⁹Tibugu sinadi nanga ba, ina dali lipu longgalo. Lipu tela sanga ba sasaxakidi sangua Tibugu rimanoa te.

³⁰Nga Tibugu tam taininau.”