Yohane 10:24-30

²⁴Ifi anu yudangic yeneng oronggema edegec, “Ge noc nasou haniaga dekperaginemmena negemma monggoc mi obohonide? Ge Messia kecnecfu imoc deireckenemmena.”

²⁵Ifi degec Yesungo yofi merenec, “Imoc bic edengunuai anu ngeni mi negensinggedae. Ni Mannaac kpacfu ua mekecduae, imocngo haniana mekperagiude.

²⁶Ngeni ine mi negensinnudae, nocac ngeni neac ramafocna, yenearunac kpac.

²⁷Ramafocna yeni ubanaac kedzac faigec ni negengyunuba yeneng modacnugecde.

²⁸Modacnugec kekecseri yemmeba yeni wiac mongngo naric mi memanganeyunubesande. Nga ngic mongngo marinaunac naric mi mesiyunuude.

²⁹Mannango yeni nenec, yeng wiac sasawa yeneac engena. Imocac Mannaac mariunac mongngo naric mi mesiyunuude.

³⁰Ni nga Manggac neri mocgu.”