Yohanesi 6:13-20

¹³Ainanaya efanduhi ne searifo na roti ring etani nani mani, bayai fuba suraya boru sefang.

¹⁴Rabuang bo kaiwasa bitoya foi deti fitantuma Yesusi niariri tonana foi nanai emadu eteyo, “Tarai inontarai nini mani, Nabio taenemitawani we da to nunei ma fi dine!”

¹⁵Yesusi deitawanai we kaiwasafoi da ma we etanggoari we eruaisi we mananu wesa, ampafe kidori ne taraifoi werusa to uaifoi aha.

¹⁶Dirua mani ne mano erariati fosa ebiari to rurufoi aweu,

¹⁷tuti etauo wafeai etafai wanambafoi to Kapernaumia. Dirufoi waroi ampa wape Yesusi wiro da wesa ma kaharai.

¹⁸Etafai tonanai mayeai dobarafoi bia na rurufoi wedaya rurufoi weandeisa paria.

¹⁹Ewo touraia meirabuang, tarahio kiro ring ete wonang teai weru reifo tonanai, mayeai ewati Yesusi da na ai wowongfo wesa to ene wafoia. Ewatioi nanai ematai paria.

²⁰Wape Yesusi medu wesa deyo, “Mematai fanai, yaune!”