Yohanesi 5:5-8

⁵Na katai nani, mang manei meninangfo defuina piareia sura suraya indeatoru ampa (38).

⁶Yesusi detioi we wiatai na nanafo, tuti deitawanai we meninang tonana fo waroi ampa, ampafe dutang berahi deyo, “Boyo bonteng ne?”

⁷Inontarai meninang foi yoa wei deyo, “Daie, wiro manei minohi kefang na ninai we merehanei dohi mani, su yau to kurufoi aweu kaha. Tuti irurai we isawaya to kurufoia, wape manei ne fafong kawurua saukaharia.”

⁸Yesusi medu wei aha deyo, “Boabari wau ruai nemu andaungwai tuti roa.”