Juan 5:5-8

⁵May tawo na adto didto na 38 anyos na an ginabatyag.

⁶Pakakita sa iya ni Jesus na nakahigda didto kay dati na niya aram na dugay na ini na kamutangan san tawo ginhunga niya, “Gusto mo na mag-ayo ka gihapon?”

⁷An sabat san masakiton na tawo, “Sir, waraʼn mabulig sa akon pakadto sa tangke sa oras na an tubig ginahiwag. Kaya myintras nagahalapit ako igwa na sin nauuna sa akon.”

⁸Nagsugo si Jesus, “Tindog, bitbita an imo banig kag lakat.”