Yohana 9:18-36

¹⁸Ye zizan me Farisawa ba me ba na kpa yeme nda ahi wawuyi indji u nfyen na wa ba bu'u shishima na se wa ba yo ba Time ni ba Iyi ma iwa a shishima bu'a.

¹⁹U ba miyen ba Tima ni Yima, iwa yi ahi vren bi wa bi tre bi ngrji ni fifyen? Ani he mba ani to zizan?”

²⁰U ba Tima ba hla, “Ki to iwa yi a vren mbu wa ki ngrji ni fyen.

²¹Ati ni nani ya, kina to na, miyen a sen ndi, ani ya tre kima.”

²²Ba tima ba tre biyi, nitu wa ba si tie sisir Yahudawa. Yahudawa ba ba riga zi indji iwa a tre ikpe wa ani hu gon ma andi ahi Kristi, ba ban ta yo ni mi ta kpoma.

²³Nitu kima, ba itima ba tre, “A sen ndi ye, miyen.”

²⁴Ngari ba la yo u gyu u ha ba la yo igu fyen na hla niwu, “No Rji ni kon. Ki to igu yi a ndi u latre.”

²⁵I gu ki hla bawu, mina to na ka a hi ndji u latre na. Ikpe riri mi to na'a mina ndji u fyen, u zizan mi to.”

²⁶U ba tre ahi geri a ti niwu?” ani he a bu'u shishi niwu?

²⁷Wa hla, “Mi hla ni yiwu ye, bina wo na ahi geri bi son bi wo ngari?

²⁸U ba mren na hla, u almajerema, ki ta ki almare u Musa.

²⁹Ki to Irji a tre ni mu, ki na to i wurji wa iwayi a rji'a na.”

³⁰Igu'a sa bawu na tre, iwayi a kpe u shan (mamaki), iwa bina to iwurji iwa a rji'a na, me a bu'u shishi mu.

³¹Ki to Irji na wo indji bi latre na, indji wa anita no tuma na ni tie ikpe wa ani son, ani wo wu.

³²Rji ni tuntru mu ni gbugbulu'a ki ti bre wo ndi idiori bu'u shishi ni indji wa ba ngrji ni fyen na.

³³Ide indji'a ana rji ni Rji na, ana ya ti kperi na.”

³⁴U ba sa niwu nha hla niwu, wawu'u ba ngrji ni latre, i u la si tsoro ta? U ba ban ta rju ra.

³⁵Yesu a wo andi ba zu rju nimi hekeli'a a wau na tre, u kpayenme ni Vren Ndji?

³⁶Wa sa na tre, “Ahi nha, Bachi, wa mi kpayenme niwu?”