Yogikoneatimogetunkanirira Joan 4

1

2

3

4

5

6

7

8

9

10

11

12

13

14

15

16

17

18

19

20

21

22

¹Impogini nokamaguveta enoku noneitarotyo shitakomentontsi shirenakitaka. Nokemutaarityo aikiro niakenarira inkaara imaraenkarika kara kañoenkamataka tivorintsi ikantana: “Taina aka nokotagagetakempirora tyara onkantagetanakempa impogini.”

²Iroro yagatakera iniakenara yogari Isure Tasorintsi yamasurentanakena enoku. Noneitarotyo ipirinitantarira koveenkari ario onake kara, aiño paniro pirinitantakarorira.

³Irirori ikovoreavagetityo kara kañomataka saakiri mapu paitacharira jashipe ontiri pashini saakiri mapu paitacharira koronarina. Ogari ipirinitantakarira onti yonkuatakaro yoge ikovoreavageti kañomataka okovoreatira kaniamapuri mapu paitacharira esemerarera.

⁴Aikiro noneagetakero pashini 24 opirinitantaganirira okañotakaro ipirinitantaigarira koveenkaripage. Onti onkuatakotakaro ipirinitantakarira Koveenkari. Ipirinitantaigakaro 24 inampinaegi kutasamatavagetake igitsagare. Yamatsaiigakari matsairintsi yovetsikantunkanirira kori.

⁵Ogari ipirinitantakarira Koveenkari oponiantapinitakaro kareti okantapinitake tsarere tsarere, aikiro okantagemataketyo pugarara pugarara. Aikiro aityo omorekagetake 7 tsitsi okantakotakerira Isure Tasorintsi.

⁶Ario onake aikiro kara omaraani nia saanaamataketyo kara. Ogari ipirinitantakarira Koveenkari yonkuatakoigakaro 4 niagetatsirira, ontovaigavageteratyo iroki otimagetakeri inegiku ontiri itishitaku.

⁷Paniro onti ikañotakari matsontsori. Yogari irapitene onti ikañotakari toro. Yogari yomavatakarira matsigenkaporomatake. Yogari yapitepagetakarira onti ikañotakari pakitsa itimpatsarankavankitara yarira.

⁸Paniropage otimagetake 6 ishivanki, tyarikarorokari otovaigavageti iroki. Ikantakanityo iniaigake tera irapakuimaige ikantaigakera: “¡Pairo ikametiti, pairo ikametiti, pairo ikametiti Atinkami Tasorintsi! ¡Irirori inti gaveavagetatsirira ikantakanirira itimi!”

⁹Antari ikantaigakera maika, yogaegiri 24 inampinaegi Koveenkari ogatyo ikenaigake yompatakaventaiganakari, intitari pirinitantakarorira ipirinitantarira koveenkari, aikiro inti Koveenkari ikantakanirira itimi. Inoshikaigakeri iramatsaireegi yogaigakeneri ivonkititakera ikantaigiri:

¹¹“Notinkami Tasorintsi, pairo pikametivageti, noshineventantaigakempirira. Pikoveenkavageti, aikiro pairo pagaveavageti, nopinkatsatantaigakempirira. Virotari vetsikagetakerorira magatiro timagetatsirira, virotari kogankitsi povetsikagetakerora.”