Yahaya 9:12-17

¹²Aku a wece yi, “Nte vuma vi?” U danai, “N reve wa.”

¹³A bidyai vuma ɗa wa̱ri karumba̱ caupa vi, a banka yi a asu u Afarishi.

¹⁴Kain ka Yesu vura̱i kalyon u ta̱na̱sa̱i vuma vi, kain ka Ashibi ka.

¹⁵Pini nala, Afarishi yi a wecei vuma vi, “Niɗa a yain vu tsa̱ra̱i aꞌeshi a vunu?” U wushunku le, “Aya u gbara̱ka mu kalyon a aꞌeshi, aku n sawai, pini nala, n wenei.”

¹⁶Afarishi a roku a danai, “Yesu na vi a asu u Kashila̱ ɗa u wuta̱i wa, kpaci wa tono mele ma Ashibi wa.” Shegai aza roku a danai, “Vuma ɗa wa̱ri n unyushi u cingi wa fuɗa wa yan ikunesavu naha wa.” Aku ka kpa̱ɗa̱ le utuwa̱ ka te.

¹⁷A doku a wecei vuma vi, “Ndya va dana a kaci ka vuma ɗa u ta̱na̱sa̱ vu aꞌeshi yi?” U wushunku le, “Matsumate ma.”