Text copied!
CopyCompare
Toto Thovuye Loi Ghalɨŋae - Jon - Jon 9

Jon 9:12-17

Help us?
Click on verse(s) to share them!
12Thɨ vaito thɨŋa, “Aŋga inae amalaghɨniye?” Iŋa, “Ma ya ghareghare.”
13Thɨ yovaŋguya amalama maramaraema va i kwaghe weŋgiya Parisi,
14kaiwae va Sabat e tɨne iyava i vakatha thɨkathɨka na i vaghan e maramaraeko na kaero i tate.
15Iya kaiwae Parisi vambe thɨ vaitova, va ŋgoroŋga na kaero i thuweva. Amalama i dage weŋgi iŋa, “Jisas me vaghana thɨkathɨka e maramaraŋgu, va thavwiyathu e mbwa na ya tate, na mbaŋake kaero ya thuwe.”
16Parisi vavana thɨŋa, “Lolona iya me vakatha iyana weŋge iye ma i menawe Loi, kaiwae ma i ghambugha Sabat ghambaro.” Vavana thɨŋa, “Ne ŋgoroŋga na lolo, iye tharɨ gharavakatha, i vakatha vakatha ghamba rotaele ŋgoranjiya iyake?” E mbaŋako iyako thɨ vakatha wabwi.
17Iya kaiwae Parisi mbowo thɨ vaitova amalama thɨŋa, “Ŋgoroŋga ghen len renuwaŋa iya loloko me vakatha maramaranɨna thɨ thovuye kaiwae?” I gonjogha weŋgi iŋa, “Iye Loi ghalɨŋae gharautu regha.”

Read Jon 9Jon 9
Compare Jon 9:12-17Jon 9:12-17