Yabura 80:6-17

⁶I e rabaloma e yaye ra, i e yaye fima e ma minse ra han mun tɛmui?

⁷I bara lantareya raso muxu nun muxu dɔxɔbooree tagi, e yoma muxu ma.

⁸Mangɛ Ala, i xa muxu ragbilen, i xa hinnɛ muxu ra alako muxu xa kisi sɔtɔ.

⁹I wɛni bili nde tala nɛ Misira naxan findixi i xa ɲama ra. I naxa sie ndee keri yire nde, i fa a tan si naa.

¹⁰I to na yire yailan a bɛ, a naxa a sankee masɔrɔn, a bɔxi rafe.

¹¹Geyae naxa lu a xa niini bun ma, a salonyie nu xungbo alɔ sɛdiri wurie.

¹²A salonyie nu kuya ra han e baa nun xure dɛ li.

¹³Kɔnɔ i tan bara a xa tɛtɛ kana, dangi mixie fa a bogi ba.

¹⁴Wulai xɔsɛe naa yegelenma, buurunyi subee fan baloma a bogie ra. Munfe ra?

¹⁵Mangɛ Ala yandi, i xa gbilen fa ra, i ya ragoro muxu ma keli koore, i muxu mato, kinikini na wɛni bili ma,

¹⁶i naxan si i yɛtɛ bɛ i bɛlɛxɛ ra.

¹⁷Yakɔsi a bara gan, a sɛgɛ i xa xɔnɛ saabui ra.