Yabura 65:1-9

¹Dawuda xa bɛɛti bɛɛtibae xa mangɛ bɛ

²Matɔxɔɛ na i tan Ala bɛ Siyoni geya fari. Muxu laayidi naxan tongoxi i bɛ, muxu na birin nakamalima nɛ.

³Ala, i muxu xa maxandi birin mɛma nɛ. Duniɲa birin fama nɛ birade i fɔxɔ ra.

⁴Tantanyi to nɔ muxu ra, i bara muxu xa yunubi xafari.

⁵I naxan sugandima a xa makɔrɛ i xa salide ra, na ɲɛlɛxinma nɛ barima a buma nɛ i xɔnyi. Muxu bara wasa i xa fe fanyi ra, fe sɛniyɛnxi naxan kelixi i xa hɔrɔmɔlingira.

⁶I muxu xa maxandi yaabima kaabanako nun tinxinyi ra. Ala, i bara findi muxu rakisima ra. Duniɲa yire birin xaxili tixi i ra.

⁷I bara geya daa i sɛnbɛ ra barima sɛnbɛma nan i ra.

⁸I bara baa xui radundu, mɔrɔnyi xui mu na. I bara ɲama fan masabari.

⁹Duniɲa birin gaaxuma nɛ i xa kaabanakoe ya ra. Kelife sogetede han sogegorode, e birin e ɲɛlɛxin xui raminima nɛ i xa fe ra.