Yabura 60:4-10

⁴I bara bɔxi rasɛrɛn, i bara a ibɔɔ. I xa na yailan muxu bɛ barima bɔxi wama kanafe.

⁵I bara fe xɔrɔxɔɛe dɔxɔ i xa mixie ma, han e bara lu alɔ siisila.

⁶Kɔnɔ naxee gaaxuxi i ya ra, i bara tɔnxuma so e yi ra, e xa nɔ e yaxuie ra.

⁷I xa i xanuntenyie rakisi i sɛnbɛ ra, i xa muxu xa dubɛ suxu.

⁸Ala xa masenyi nan ya, a naxan falaxi hɔrɔmɔbanxi sɛniyɛnxi kui, «N Sikemi taa fima nɛ wo ma xunnakeli kui, n Sukɔti geya lanbanyi fan fi wo ma.

⁹Galadi bɔxi, n gbe. Manasi bɔxi, n gbe. Efiramikae nan findima n ma geresoe ra. N mangɛ dɔxɔma nɛ Yudaya.

¹⁰Mowabakae findima n ma konyie nan na. Edon findi n ma bɔxi ra. N gere xui ratema nɛ Filisita.»