Yabura 30:1-10

¹Dawuda xa bɛɛti a naxan sɛbɛ Ala xa hɔrɔmɔbanxi xa fe ra

²N bara i matɔxɔ Alatala, barima i bara n nakeli. I mu tin n yaxuie xa xunnakeli sɔtɔ n xun ma.

³N Marigi Alatala, n to i xili, i naxa n nayalan.

⁴Alatala, i naxa n nii rakisi saya ma, i mu tin n xa goro gaburi kui.

⁵Danxaniyatɔɛe, wo xa bɛɛti ba Alatala bɛ, wo xa a xili matɔxɔ.

⁶A xa xɔnɛ mu buma, kɔnɔ a hinnɛma i ra i xa simaya birin kui. Nunmare, mixie wama, kɔnɔ gɛɛsɛgɛ e fa ɲɛlɛxin.

⁷N bɔɲɛsa sɔtɔ tɛmui naxɛ n naxa a fala, «N mu nɔma birade.»

⁸Alatala, tɛmui dangixi i naxa n sɛnbɛ lu alɔ geya, kɔnɔ yakɔsi i bara i nɔxun n ma. N bɔɲɛ bara ifu.

⁹Alatala, n naxa i xili, n naxa i maxandi.

¹⁰N naxa a fala i bɛ, «N ma faxɛ findima geeni mundun na i bɛ? Xa n bara goro gaburi kui, na nɔma findide matɔxɔɛ ra i bɛ? Na nɔma i xa lanlanteya masende duniɲa bɛ?»