Yabura 22:2-11

²Ala, n Marigi Ala, i n naboloxi munfe ra? I kisi makuya n na, i mu n wa xui ramɛ?

³N Marigi Ala, kɔɛ nun yanyi, n i xilima, kɔnɔ i mu n ma xili ratinma.

⁴Kɔnɔ i tan Sɛniyɛntɔɛ, i xa kibanyi rabilinxi Isirayila xa tantui ra.

⁵Muxu benbae bara danxaniya i ma. I bara e rakisi e xa danxaniya saabui ra.

⁶E to i xili, i naxa e xɔrɛya. E bara danxaniya i ma. I mu e lu yaagi kui.

⁷Kɔnɔ n tan bara findi mixi xuri ra alɔ dondoli, alɔ mixi mu na n tan na. Adamadie n nayaagima, mixie n mayelema.

⁸Mixi naxan birin n toma, e yoma n ma. E dɛ pɛtɛsima n ma, e e bɛlɛxɛsole tima n ma a ɲaaxi ra.

⁹E naxɛ, «I ya ti Alatala ra. A i rakisima, a i ratangama, barima i rafan a ma!»

¹⁰Ee Ala, i bara n namini n nga tɛɛgɛ, i bara n sa a kanke ma.

¹¹N xaxili tixi i ra kafi n bari tɛmui. I findixi n Marigi Ala ra kafi n baxi foye tode.