Yabura 139:12-24

¹²i n toma nɛ na dimi kui alɔ n na soge nan bun ma.

¹³I tan nan n nii daaxi, i tan nan n nafalaxi n nga tɛɛgɛ.

¹⁴N i matɔxɔma nɛ barima n daa ki makaaba. I xa wali maniyɛ mu na. N na kolonxi a fanyi ra.

¹⁵N fate ki mu nu nɔxunxi i ma a to yailanxi gundo kui.

¹⁶I yae naxa n to beenun n xa findi a ra. N ma lɔxɔɛe birin nu sɛbɛxi i xa buki kui beenun n xa daali.

¹⁷Ala, i xa maɲɔxunyie gbo, e tilin.

¹⁸Xa n sa e kɔntima nɛ nu, e wuya mɛyɛnyi xɔri bɛ. Na birin kui, n luma i yi.

¹⁹Ala, yandi, i xa mixi ɲaaxie faxa, i xa faxɛtie makuya n na.

²⁰I yaxuie fe ɲaaxi falama i xa fe ra, e i xili kanama.

²¹Alatala, a mu lanma n xa i xɔnmixie xɔn? A mu lanma i matandilae xa raɲaaxu n ma?

²²N e xɔnma nɛ. E bara findi n yaxuie ra.

²³Ala i xa n bɔɲɛ kui mato, i xa n ma kɔntɔfili kolon.

²⁴A mato xa n na kira kobi nde nan xɔn ma, i naxan xɔnxi. Xa a na na ki nɛ, i xa n ti kisi kira nan xɔn ma.