Y Salmo Sija 89:6-22

⁶Sa jaye gui langet sija siña parejuña si Jeova? Jaye gui lajin y gaeninasiña uparejuña si Jeova?

⁷Si Yuus, gosnamaañao gui pinagat y mañantos, yan umamaanaogüe güe mas qui todo ni ayo sija y mangaegue gui oriyaña.

⁸O Jeova, Yuus y inetnon sendalo, jaye matatnga parejo yan jago, O YAH? ya y minagajetmo ni y gaegue gui oriyamo?

⁹Jago umaregla y sobetbian tase: anae y napo mangajulo, jago pumoca sija.

¹⁰Jago yumamag iya Rahab ya unfapidaso taegüije y uno ni y mapuno; jago chumalapon y enimigumo ni y canae y minetgotmo.

¹¹Y langet sija iyomo, yan yo tano locue iyomo: y tano yan y binilan sinajguanña ni y plinantamo sija.

¹²Y sanlago yan y sanjaya, jago fumatinas sija: Tabor yan Hermon manmagof ni y naanmo.

¹³Gaegue guiya jago y canae ni y matatnga: sa y canaemo metgot, ya taquilo y agapa na canaemo.

¹⁴Y tininas yan y juisio y plinantan tronumo: minaase yan minagajet manjajanao gui menan metamo.

¹⁵Mandichoso ayo na taotao y tumungo y magof na inagang: sa manmamocat gui mananan y matamo, O Jeova.

¹⁶Sa y naanmo nae manmamagof todot dia: yan y tininasmo nae munafangajulo.

¹⁷Sa jago y minalag y minetgotñija: yan pot y finaboresimo na injatsajulo y canggelonmame.

¹⁸Sa iyon Jeova y patangta: yan y rayta iyon Ayo na Santos guiya Israel.

¹⁹Ayonae unsangan gui guinigüife gui mañantosmo, ya ilegmo: guajo jupolo y inayuda gui jilo y uno ni y matatnga: yan junacajulo y uno na y maayeg gui taotao.

²⁰Jusoda si David na tentagojo; ya jupalae güe nu y santos na lañajo.

²¹Guiya y canaejo munafitme: yan y canaejoja locue munametgot güe:

²²Ya y enimigo taeinamot guiya güiya: ni y lajin y manaelaye ti umanalamen güe.