Y Salmo Sija 81:5-16

⁵Jafatinas este as José para untestimonio anae jumanao juyong gui inanaco y tano Egipto: anae jujungog y finijo na ti siña jutungo.

⁶Janajanao y apagaña guinin y catga: yan y canaeña manalibre guinin y lauya.

⁷Jago umaagan gui chinatsaga, ya guajo munalibrejao: guajo umopejao gui umatog na sagayan julo: ya juchaguejao gui oriyan janom guiya Meriba. Sila.

⁸Jungog, O taotaojo, ya guajo junae jao testimonio, O Israel, yaguin malagojao unecungogyo!

⁹Munga otro yuus, guiya jago; ni unadora otro yuus.

¹⁰Sa guajo y Jeova Yuusmo, ni y chumule jao juyong gui tano Egipto: baba y pachotmo, ya bae nabula.

¹¹Lao y taotaojo ti jajungog y inagangjo; ya iya Israel ti malago ni guajo.

¹²Ayo nae jupolo sija ya jumanao ni y minajetog y corasonñija: para ufanmamomocat ni y pinagatñija.

¹³O yaguin y taotaojo majungog yo, ya iya Israel manmamocat gui chalanjo!

¹⁴Siña guse juchoma y enimigoñija, ya jubira y canaejo contra y contrarioñija.

¹⁵Ya y umanmachatlie ni y Jeova, mojon mansujeto sija guiya güiya: y tiempoñija usaga para taejinecog.

¹⁶Güiya unafañocho sija locue ni y mas mauleg na trigo: yan y miet ni jumujuyong gui acho anae junajaspog jao.