Y Salmo Sija 76:3-12

³Ayo nae jayamag sija y flechan y atcos; yan y patang yan y espada, yan y guera. Sila.

⁴Malagjao yan magas jao mas qui y tadong na jalomtano.

⁵Ya y manmajetog na corason manmayulang manafanaelaye; esta jamaego y minaegoñija; ya taya ni un taotao ni y gaeninasiña jasoda y canaeñija.

⁶Pot y chinemamo, O Yuus Jacob, todo careta yan y cabayo manmayute gui minaego y finatae.

⁷Jago, junggan jago, para unamaañao: ya jaye siña tumogue gui menamo yan lalalojao?

⁸Jago munamajungog y sentensia guinin y langet; ya y tano manmaañao, ya manmamatquilo.

⁹Anae si Yuus jacajulo gui juisio, para usatba todo y manmanso gui tano. Sila.

¹⁰Magajet na y binibon y taotao uinalabajao: yan y seblan y binibo, jago sumoma.

¹¹Promete ya inapase si Jeova ni y Yuusmiyo: todo ayo y mangaegue gui oriyaña manmañuñule ninae para güiya ni y namaañao.

¹²Güiya munamautut y espiriton y prinsipe sija: sa güiya y namaañao para y ray sija gui tano.