Y Salmo Sija 55:4-13

⁴Y corasonjo gospute gui sumanjalomjo: yan y minaañao y finatae podong gui jilojo.

⁵Minaañao yan linaolao, manmato guiya guajo; y linijan ñumoñoyo.

⁶Ya ilegco: O mojon yanguin gaepapayo, taegüije y paluma! ayo nae jugupo chago, ya judescansa.

⁷Estagüe, ayo nae jujanao chago, ya jusaga gui jalomtano. Sila.

⁸Mojon bae jualula malag y guinegüe, guinin y duron manglo yan y pinagyo.

⁹Yulang, O Jeova, ya ipe y jilañija; sa jagasja julie y fijom na manaelaye, ya y manmanpotfifia gui siuda.

¹⁰Jaane yan puenge manjajanao gui sumanjilo y quelatña: inechong yan inacacha mangaegue gui entaloña.

¹¹Manaelaye mangaegue gui entaloña; chiniguit yan dinague ti usuja gui chalanña.

¹²Sa ti y enemigo lumalatdeyo; ayo nae siña jusungon; ni ti ayo y chumatliiyo ni y munadangculo güe contra guajo: ayo nae junaatog maesayo guiya güiya.

¹³Lao jagoja, un taotao, ni y parejujo, yan y gachongjo, yan y senjuguflie na amigujo.