Y Salmo Sija 44:12-25

¹²Unbende y taotaomo pot taya; ya ti mumegae y güinajamo pot y balenñija.

¹³Unnafanmamajlaojam ni y tiguangmame; pot y manmanmofefea, yan manmanbotlelea ni y mangaegue gui oriyanmame.

¹⁴Unnafanmafa y sinanganjam gui entalo y nasion, pot y yinengyong y ilonñija gui entalo y taotao sija.

¹⁵Y desenrajo gaegueja gui menajo todot dia; ya y minamajlao y matajo jatampe yo.

¹⁶Sa y inagang ayo y numanamamajlao, yan y chumatfino contra si Yuus; pot y enemigo yan y taotao ni y maneemog.

¹⁷Todo este manmato guiya jame; lao ti manmalelefajam nu jago, ni ti manmatinasjam mandague ni y tratumo.

¹⁸Y corasonmame ti inbira tate; ni y pinecatmame ti sumuja gui chalanmo.

¹⁹Masqueseaja unyamagjam gui sagan y jacal sija, ya untampejam ni y aninen y finatae.

²⁰Yanguin manmalefajam ni y naan Yuusmame, ya inestira y canaemame pot y otro Yuus;

²¹Ada ti ualigaojam si Yuus? Sa jatungoja y secreton y corason.

²²Junggan, pot y jago manmapunojam todo y inanaco y jaane; manmatufongjam taegüije y quinilo ni y para umapuno.

²³Fagmata, jafajao na mamaego, Señot? Cajulo, chamojam yumuyute para siempre.

²⁴Pot jafa nae unnaatog y matamo, ya malefajao ni y pinitenmame yan y chiniguitmame.

²⁵Y antenmame esta dumilog gui petbos; ya y tiyanmame cheton papa gui tano.