Y Salmo Sija 35:9-22

⁹Ya umagof y antijo gui as Jeova: ya umagof gui satbasionña.

¹⁰Todo y telangjo y ilegñija: Jeova, jaye parejumo? ni unalibre y mamoble gui mas manmetgot qui güiya: magajet na y mamoble yan y mannesesitao, guinin y jachulelejguan?

¹¹Mangajulo testigon mandague: ya jafaesenyo ni y ti jutungo.

¹²Manaeyo ni taelaye pot y mauleg, ya manataelaye y antijo.

¹³Lao guajo anae manmalango sija, magagojo y luto: junatriste y antijo yan umayunat: y tinaetaejo tumalo jalom gui pechoco.

¹⁴Mamomocat yo ya ileleco: Güiya buente y gachongjo, pat y chelujo: ya tumecon yo triste calang uno ni y umuugung pot si nanaña.

¹⁵Lao anae desgrasiaoyo, sija manmagof ya mandaña: ya y gosnamaase mandaña contra guajo ya guajo ti jutungo: sija matitegyo ya ti manbasta.

¹⁶Parejo yan y áplacha na minefea gui fandango, janachéchegcheg y nifenñija guiya guajo.

¹⁷Jeova, asta ngaean nae unatan? nalibre y antijo gui yinilangña, yan y beya y corasonjo gui león.

¹⁸Junae jao grasias gui dangculon y inetnon taotao: ya jualaba jao gui entalo linajyan taotao.

¹⁹Chamo pumopolo na ufanmamagof guiya guajo y enimigujo sin jafa? ni ayo y chumatlieyo sin causa jaachetgue yo nu y atadog.

²⁰Sa ti manguecuentos pas: ya contra y manmanso gui tano jajajaso y finijo dinague.

²¹Magajet na jabababa y pachotñija contra guajo; ilegñija: Ja, ja y atadogmameja lumie.

²²Unlie este, O Jeova; chamo famatquiquilo: O Jeova, chamo chachago guiya guajo.